Батырлар даны - безнең хәтердә һәм йөрәктә!

Совет мәйданында иҗтимагый, патриотик һәм яшьләр оешмалары вәкилләре, Русия һәм башка илләрнең казак-сугышчылары берлеге вәкилләре, Муса Гәрәев исемендәге Уфа гомуми белем бирү интернат-мәктәбенең кадетлар корпусы тыңлаучылары, Идел дәүләт су транспорты университетының Уфа филиалы курсантлары һәм шәһәрнең башка мәгариф оешмалары студентлары патриотик чарада катнашты.

- Ватан Геройлары көне - илебез тарихында әһәмиятле дата һәм бүген без кулда тоткан портретлар — күпмилләтле халкыбызның патриотизм рухын саклавы дәлиле. Ватаныбызның көннән-көн көч туплавын, аның бөеклеген һәм дан казануын күрүебез белән горурбыз, - дип мөрәҗәгать итте җыелучыларга Башкортстан Республикасы Диңгезчеләр җыены рәисе Юлай Моратов.

- Патриотларга салкыннар комачауламый. Бүген без Геройларны искә алу һәм хәзерге каһарманнарга ярдәм итү өчен җыелдык. Миңнегали Шәйморатов, Александр Доставалов, башка якташларыбыз үрнәгендә Ватан чакыруы буенча аның мәнфәгатьләрен яклауга баскан мисалында яшь буыннар тәрбияләнәчәк. Бүген катнашучылар арасында үз патриотик позицияләрен белдерергә килгән яшьләр бик күп, - дип уртаклашты «ПАТРИОТ» хәрәкәте активисты Рөстәм Шоров.