“Монах” ике уйламый!

Февральдә махсус хәрби операция башлангач, “Монах” туганнары белән сөйләшүдә, илебезгә нацист режимы янарга тиеш түгел, дип белдерә. Үз сүзләрен ул ирекле хезмәткәрләр сафына беренчеләрдән булып язылуы белән раслый.

– Бервакыт ул оныгымны минем янга алып килде дә, нотариуска эш буенча барырга кирәклеген әйтте, ә үзе хәрби комиссариатка киткән. Кайткач, ул үз теләге белән контракт төзүе һәм өч көннән алга сызыкка китәчәге турында әйтте. Хәрби тәҗрибәсе юк, армиядәге хезмәте тыныч вакытта үтте. Ләкин ул битараф кала алмады, Донбасс халкын якларга китте, – ди “Монах”­ның нәнәсе.

Яшүсмер чагында ул Успенский Изге Георгий ирләр монастыренда яшәргә тели, ул күпләргә “Святые кус­тики” буларак билгеле. Монастырь­ның башлыгы Варлаам башта егетне алмаска тырыша, ләкин соңыннан аны кабул итә. Егет кушканны үти, эшли, дога кылу хезмәт­ләрендә катнаша. Еллар узгач, ул монастырь белән бәйле позывной сайлый.

Ул инде бер ел СВО зонасында. Донецк җирләрен азат итү буенча хәрби бурычларны үтәп, доставаловчылар сафында лаеклы хезмәт итә. Күптән түгел яугир ялга кайткан һәм, нәнәсе сүзләре буенча, бик нык үзгәргән.

– Махсус операциядә катнашканчы ул бераз йомшаграк иде, ә хәзер хәтта карашы да кырысланган. Күрәсең, тормышны тирәнрәк аңлый һәм кадерли башлагандыр, – ди нәнәсе.

СВОда “Монах”ның оештыру сәлә­тен күрәләр, шуңа күрә аңа офи­цер­лар курсларында белем алырга тәкъ­дим иткәннәр. Анда ул сугышчан дусларын да тапкан.

Сирәк шалтыратулар вакытында ул гаиләсен, хатынын һәм кызын сагынуы турында сөйли. Алар да аның өйгә тизрәк һәм сау-саләмәт кайтуын түземсезлек белән көтә.

Исегезгә төшерәбез, контракт тө­зергә теләүчеләр түбәндәге ысуллар белән мөрәҗәгать итә ала:

• хәрби комиссариатка. Аларның исемлеге сылтама буенча;
• контракт буенча хәрби хезмәт­кә сайлау пунктына: Уфа шәһәре, Революцион урам, 156, тел.: 8 (347) 248-29-31, 248-18-63;
• шәхси кабинет аша Русия Оборона министрлыгының рәсми сайтына;
• “Дәүләт хезмәтләре” порталында “Ирекле яисә контрактник булу” элект­рон сервисы ярдәмендә;
• Ситуацион үзәккә түбәндәге телефоннар буенча шалтыратыгыз: 122, өстәмә номер — 1, +7 (347) 218-19-19 (көн саен 8.00дән 20 сәгатькә кадәр).