Артистларыбыз да алгы сызыкта!

Русия Федерациясенең Оборона министрлыгы матбугат хезмәте мәгълүматы буенча, Башкортстан хәр­­би хезмәткәре Динар махсус хәрби опе­ра­ция зонасында хәрби оркестр солисты буларак хезмәт итә.

Динар мәдәният колледжында укыган, аны тәмам­лаганнан соң 2016 елда хәр­би хезмәткә чакырылган. Егетне полк оркестрына кабул иткәннәр. Соңрак ул 3 елга контракт төзегән. СВОда хезмәт иткәнче ул хәрби бурычын Сириядә үтәгән, анда ул артиллерия дивизионы составында “КамАЗ” йөртү­чесе булып хезмәт иткән. Хәзер Динар яңа контрактка кул куйды һәм махсус хәрби операциягә юлланды.

– Мин шәхси состав өчен уен коралларында уйныйм, шулай ук хәрби оркестрлар конкурсларында катнашам. Үз коллективыбыз белән күп­тап­кырлар призлы урыннар яуладык. Солист булып киттем, иптәш­ләрем алдында чыгыш ясыйм, һәм аларга бу ошый, – ди Динар.

Элегрәк Башкорт­станның атказанган артисты, таныл­ган җырчы һәм музыкант Радик Динәхмәтов та контракт буенча махсус хәрби операция зонасына юлланды. Артист сүз­лә­ренчә, ул да яугир­ләр алдында чыгыш ясый. Ул Та­һир Кусимов исе­мен­дәге ирек­леләр батальоны составында медицина взводы санитары булып хез­мәт итә. Җыр­чы һәм музы­кант бел­дерүенчә, хәр­би хез­мәт­кәргә санитар­ның букчасы гына тү­гел, аның музыкасы да яр­дәм итә.

Күрүегезчә, махсус хәрби операция зонасында тәҗри­бәле су­гыш­чылар гына түгел, артистлар да хез­мәт итә. Илебез өчен әлеге кырыс вакытта һәркем хәрби сафка баса ала.

Исегезгә төшерәбез, контракт төзергә теләүчеләр тү­бәндәге ысуллар белән мөрә­җәгать итә ала:
- хәрби комиссариатка. Аларның исемлеге түбән­дәге сылтама буенча:
https://­clck.ru/33qV9P;
- контракт буенча хәрби хезмәткә сайлау пунктына: Уфа шәһәре, Революцион урам, 156, тел.: 8 (347) 248-29-31, 248-18-63;
- шәхси кабинет аша
Русия Оборона министрлы­гы­ның рәсми сайтына: lkg.mil.ru;
- “Дәүләт хезмәтләре” порталында “Ирекле булу яисә контрактчы булу” электрон сервисы яр­дә­мендә:
https://­clck.ru/33X5Vp;
- Ситуацион үзәккә түбән­дәге телефоннар буенча шал­тыратып: 122, өстәмә номер – 1, +7 (347) 218-19-19 (көн саен 8.00дән 20 сәгатькә кадәр).