“Благовар”ны СВОда яхшы беләләр

Ноябрь башында, мәсә­лән, комиссариатка Языково авылында туып-үскән Вадим К. (исемен шартлы рәвештә шулай дип алыйк) мөрәҗәгать итә. Хәзер инде яше илледән узган ир узаманының язмышы шактый үзенчәлекле. Хәрби хезмәткә чакырылуга яше җиткән егетне сәламәтлеге буенча армиягә алмыйлар. Моны ул авыр кичерә, әлбәт-тә, әмма ни хәл итәсең, Кораллы Көчләр сафына чакы­ру­­ның үз шартлары, алар законга ярашлы билгеләнә, шуңа да язмышка буйсынырга туры килә.
Вадим әтисез үсә, энесе белән аны ялгыз әниләре тәрбияләп үстерә. Гади авыл егете хезмәттә дә, тормышта да үз юлын тапкан, гаилә корган, җәмәгате белән матур гына дөнья көтәләр. Украинада махсус хәрби операция башлангач, хәрби комиссариатка барып, ниятен җитке­рә. Сәламәтлек торышы буенча бераз шикләнсә дә, медицина комиссиясе Вадимны хәрби хезмәткә яраклы, дип таба. Контракт буенча хезмәт­кә юл менә шулай ачыла, ил сакчысы булу хыялы, соңлаб-рак булса да, тормышка аша.
Әйтергә кирәк, Вадимның өлкән яшьтәге әнисе хәзерге вакытта Языковода гомер кичерүче энесе карамагында. Бу яктан Вадимның күңеле тыныч, тиз арада дошманны җиңеп, туган якка кайтачагына ихлас ышана ул.
Благовар районы конт­ракт­чыларының, СВОда зур батырлыклар күрсәтеп, илнең ышанычлы калканы булып торуы хакында күркәм мисаллар районга ирешеп тора. Яугир-ләр туган якларда да еш була. Шуларның берсе күптән түгел генә Языковога кыска вакытлы ялга кайткан иде. Яугир хәрби позывной итеп “Благовар” атамасын сайлаган. Хәр-би хезмәт — аның өчен тормыш рәвеше, дип тә әйтергә мөмкин, чөнки Казан танк хәр­би училищесын тәмамлагач, илнең төрле почмакларында хезмәт итә. Отставкага чыккач, гаиләсе белән Благовар районы үзәге Языково авылында яши башлый. Әмма СВО аның тормышына зур гына үзгәрешләр кертә. Русия Кораллы Көчләре офицеры яңадан ил сакчылары сафына баса – Оборона министрлыгы белән килешү төзеп, контракт­чылар сафын тулыландыра.
Болар турында “Благовар” позывнойлы яугир Бүз­дәк агросәнәгать коллед­жы­ның Благовар районы бүле­гендә күптән түгел үткән очрашу барышында җентекләп сөйләде. Шунысы үзенчә­лекле: СВО белән колледж студентлары ихлас кызыксына, бу алар биргән сорауларда да чагылыш тапты. Атап әйткәндә, өлкән курс студентлары контракт хезмәтенең өс­тенлек­ләре, хезмәт шартлары ту­рын­да белеште. Бу аңла­шыла да, чөнки училищены тәмам­лагач, күп кенә егетләр “Благовар” үрнәгендә ил сагына басарга ниятли.
Мәскәүдә СВО зонасында кыюлык үрнәге күрсәткән яу­гир­ләргә хәрби бүләкләр тапшыру тантанасы үтте. Югары бүләккә лаек булучылар арасында Башкортстанның Благовар районы вәкиле дә бар иде. Первомайский поселогыннан “Аучы” позывнойлы яугир – шуларның берсе. Ике хезмәттәше белән ул, гомерен куркыныч астына куеп, дошман гаскәренең хәрби көчләре турында мәгълүмат туплый һәм аны тиешле урынга хәбәр итә, нәтиҗәдә, һөҗүм итүче­ләргә зур техник зыян салына. Әлеге батырлык өчен “Аучы” һәм аның сугышчан иптәш­ләре Жуков медале белән бү­ләкләнде.
Шатлыклы хәбәрне “Ау­чы”ның якыннары һәм дуслары олы канәгатьлек белән кабул итте, Первомайскийда аның кыска вакытлы ялга кайтуын көтәләр.

Фәнүр МӨГАМБӘРОВ.