Яугирләр хокуклары тиешенчә яклана!

Моннан тыш, СВОда катнашучылар, шулай ук аларның гаилә әгъ­залары өчен яңа ташламалар каралган башка законнар да кабул ителгән. Аерым алганда:

1. Закон нигезендә ирекле фор­мированиеләр статусы беркетелгән. Алар мобилизация, хәрби хәл, сугыш вакытында, кораллы конфликтлар килеп чыкканда, террорчылыкка каршы операцияләр үткәргән­дә, шулай ук Русия Кораллы көчлә­ренә йөкләнгән бурычларны үтәргә ярдәм итә. Ирекле формированиеләрдә катнашучыларга хәрби хезмәт­кәрләр статусы бирелә, аларга барлык төп түләүләр һәм ташламалар каралган.

2. СВОда катнашучылар һәм аларның гаилә әгъзалары ирекле статусын рәсмиләш­терү, акчалата тәэмин итү һәм башка түләүләр алу, кредит каникулларын рәсмиләштерү һәм бурычларны гамәлдән чыгару, яугирне һәлак бул­ган яки хәбәрсез югалган дип тану мәсьәләләре буенча бушлай юридик консультация сорап мөрәҗә­гать итә ала.

3. Сугыш хәрәкәтләре инвалиды булган хәрбиләр хәрби хезмәтнең гомум дәвамлылы­гын һәм аннан азат итү нигезләрен исәпкә алмыйча, һөнәргә яңадан укыту һәм яңадан әзерләү программалары буенча уку уза алачак. Хезмәткә кайткан хәрби пен­сионерларның, алар­ның вазыйфаларына карамас­тан, пенсиясе артачак. Соңгы хез­мәт урыныннан азат ител­гәннән соң хәрби пенсионерлар элек туктатылган пенсияне яңадан түли башлауны яки соңгы хезмәт урыны буенча яңа пенсия билгеләүне сайлый алачак.

4. Мобилизацияләнгән граж­даннар өчен эш урыны саклана. Мобили­зациялән­гәннәр белән хезмәт килешүе өзелми, бары тик вакытлыча туктатыла гына. СВОда катнашу вакытында мобилиза­цияләнгәннәрнең хезмәт стажы икеләтә исәпләнә, шулай ук булачак страховка пенсиясе исәпкә алыначак. Мобили­зацияләнгән шәхси эшкуарлар һәм юридик берәмлек хуҗа­лары үз оешмаларын ышаныч идарәсенә тапшыра ала яки хуҗалары демоби­лизация­ләнгәнче, аларның теркәлүен үзгәрешсез саклый ала.

5. 2024 ел ахырына кадәр моби­лизацияләнгәннәр өчен кредит каникуллары дәвам итә. Шулай ук, һәлак булган яки авыр яраланган очракта, СВОда катнашучылар белән төзел­гән кредитлар буенча поручительлек килешүләре буенча йөклә­мәләрне туктатырга мөмкин. Элек мондый киле­шүләр буенча кредит йөкләмә­ләре, әгәр дә яугир һәлак булса, аның якыннарына – хатынына, әти-әнисенә яки балаларына күчә иде.

6. Шулай ук югары уку йортларына бюджет урыннарына керү мөмкинлеге барлыкка килде. Түләүле бүлектә укучылар бюджет урыннарына күчә ала. Русия Геройларына, СВОда катнашучыларга һәм аларның балаларына колледж һәм техникумнарга укырга керү өчен өстенлекле хокук бирелә.

7. СВОда катнашучылар­ның балалары мәктәпләргә һәм балалар бакчаларына өстенлекле тәртиптә чираттан тыш кабул ителә. Шулай ук аларның беренче чиратта балалар сәламәтләндерү лагерьларына юлламалар алу хокукы булачак.

8. СВО зонасына һәм Русиядән читкә җибәрелгән хәрбиләрнең гаилә әгъзалары элекке хезмәт урынында хезмәт торагыннан файдалануны дәвам итә алачак. Әгәр торак арендага алынса, гаи­ләләргә аренда өчен компенсация сакланачак.

9. Коммуналь хезмәтләргә түлә­мәгән өчен штраф салынмаячак. Торак өчен түләүне вакытында яки тулы күләмдә түләмәү яки гомум милекне капиталь ремонтлауга взнос кертмәү очрагында да пенялар исәпләнмәячәк.

10. СВОда катнашучыларны дис­кредитацияләү өчен җаваплылык билгеләнгән. Җинаять кодексына һәм Административ хокук бозулар турында кодекска кертелгән үзгәрешләргә ярашлы рәвеш­тә, җаваплы­лык Кораллы Көчләр­не һәм дәүләт органнарын гына түгел, шулай ук СВОда катнашучы ирекле­ләрне, шулай ук Русия Кораллы Көч­ләренә йөкләнгән бурыч­ларны үтәүгә ярдәм итүче оешмаларны һәм кешеләрне дискре­дитацияләү өчен дә булачак. Шулай ук “Росгвар­дия”нең ирекле фор­миро­ваниеләрен дискре­дитация­ләгән өчен дә җавап­лылык каралган.

Болардан тыш, Башкортстанда махсус хәрби опера­циядә катнашучыларга һәм аларның гаилә әгъзаларына ярдәм итүнең 30дан артык чарасы гамәлдә. Башкортстан Башлыгы Радий Хәбиров күп тапкырлар республикада СВО сугышчыларына һәм аларның гаилә әгъзаларына ярдәм итү чара­ларының төгәл эшләргә тиешлеген ассызыклады.