“Гуманитар ярдәмне билгеләнгән урынга илтеп җиткердек, якташлар белән очраштык, куелган бурычларны үтәдек.
Шунысын да билгеләп үтәсем килә: безнең яңа төбәкләрдә бөтен җирдә төзелеш эшләре бара, инженерлык инфраструктурасы тергезелә, территорияләр төзекләндерелә һәм сизелерлек үзгәрә. Бу бик сөендерә.
Яхшы кәеф һәм үтәлгән бурыч хисе белән кайтып киләбез”, – дип язган Чишмә районы хакимияте җитәкчесе.
Ул социаль челтәрдә бу уңайдан зур булмаган видео да урнаштырган. Махсус хәрби операция барган урыннардан кайтып килүче район хакимияте башлыгы яугир егетләр белән 23 ноктада очрашканын, алар белән күңелдәген уртага салып аралашу мөмкинлеге булганын хәбәр итә.
“Якташларыбызның хәрби рухы югары дәрәҗәдә!” – дип билгели Ришат Мансуров.
Әйе, көч – бердәмлектә. Бер-береңнең ярдәмен, хәстәрлеген тойганда җиңел булмаган бурычларны үтәү, катлаулы мәсьәләләрне хәл итү дә, зур җиңүләрне яулау да җиңеләя. Моны туган төбәгебездәге халык та, җитәкчеләр дә, соклангыч батырлыклар күрсәткән якташ яугирләребез дә исбат итеп тора.