Ватанга, туган якка һәм гаиләгә мәхәббәт

"Өй һәм гаилә турындагы уйлар - сагыш түгел, ә яшәргә һәм алга барырга этәрә торган мәхәббәт. Нәрсә хакына һәм кем хакына яшәвеңне белү, калкан яисә канат кебек, һәрвакыт саклый", - диде "Клевер".

"2022 елның көзендә Салаваттан күп ир-егетләрне СВОга чакырдылар. Алар арасында минем дусларым, танышларым күп иде. Шуннан бирле миңа махсус операция кирәкме, мин анда кирәкме, дип, җентекләп уйлана башладым. Матди яктан минем гаиләм тәэмин ителгән, шулай булгач, финанс мәсьәләсе беренче пункт булып тормады. Минем өчен башка нәрсә мөһим иде — якташларым ничек анда? Аларның вакыйгаларның иң үзәгендә булуын, катлаулы хәрби бурычларны үтәвен, көн саен үз туганнары, ил, Ватан өчен гомерләрен куркыныч астына куюын аңладым. Ничек мин читтә кала алыйм, ди? Башта барысы да үлчәп, контрактка кул куйдым һәм үзебезнекеләр янына киттем. Минем урыным сугышчылар янында икәнен аңладым һәм дөрес карар кабул иттем. Бу миңа җиңеллек китерде, якыннарым турында алай әйтеп булмый, әлбәттә. Хатыным бик борчылды. Яшермим, сөеклем күп күз яшьләре түкте. Балаларымның күзләрен күрдем. Өстәвенә, ул вакытта безнең сабыйга нибары сигез ай иде", - дип искә төшерә "Клевер".

«Башкортстан» мотоукчылар полкының Даян Мурзин исемендәге батальоны сафларына баскан «Клевер» сугышчан әзерлекне Самара өлкәсендә уза. Анда ул яңа дуслар таба, көндез дошманны кыйратырга өйрәнә, ә кичләрен кайнар чәй эчеп, иптәшләре белән Башкортстанның матур почмаклары, балалары, аларның казанышлары турында сөйләшеп, киләчәккә планнары, хыяллары белән уртаклаша.

"Егетләр белән бик тиз уртак тел таптык, дуслаштык. 2023 елның җәендә Самара өлкәсендә гаять эссе иде. Сугышчылар төркемнәре казармалардан полигоннарга кадәр берничә чакрым араны тулы сугышчан выкладкада үтте. Без бер-беребезне дәртләндердек, егетләр сынмасын һәм бирешмәсен өчен барысын да эшләдек. Һәм бу сынауны без намус белән үттек. Миңа, мөгаен, безнең ротада салаватлыларның күп булуы да ярдәм иткәндер", - ди «Клевер».

СВО зонасына «Башкортстан» полкы 2023 елның августында керә. ЛХР Башкортстан сугышчыларын җимерелгән йортлар һәм ватык ВСУ техникасы, ялгыз терриконнар, чиксез кырлар һәм сыек урманнар белән каршы ала.

"Беренче алыш 2024 елның гыйнварында булды. Көчле ут белән очраштык, дошман безне гранатометлардан, артиллериядән утка тотты, дроннар өере җибәрде. Ләкин без басымга түздек, бер адымга да, бер метрга да чигенмәдек. Янбашым яраланды. Эвакуацияләделәр, госпитальдә яттым. Ләкин кыйпылчык әле дә миндә. Шул вакыттан бирле хезмәттәшләремнең ничек яхшы якка үзгәргәнен, җитлеккәнен күрдем. Без тагын да якынрак һәм бердәмрәк була барабыз", - ди ватанпәрвәр яугир.

"Клевер" алдынгы взвод белән командалык итә. Фронтта күрсәткән кыюлыгы һәм батырлыгы өчен генерал Шәйморатов, Суворов, «Махсус хәрби операциядә катнашучы» , "Луганск һәм Донецк Халык республикаларын азат иткән өчен" медальләре белән бүләкләнгән.

"Булачак контрактчыларга имза кую алдыннан яхшылап уйларга киңәш итәм. Сәламәтлегегезгә җитди карагыз. Әгәр шикләнәсез икән, өйдә калыгыз — гуманитар йөкләр җыегыз, гумконвойлар белән килегез, без сезгә һәм сезнең волонтерлык эшчәнлегегезгә шат булачакбыз. Әгәр дә безгә кушылырга тәвәккәл итсәгез, ахыргача барырга әзер булыгыз. Барысын да бергәләп җиңеп чыгачакбыз һәм Җиңүне якынайтачакбыз. Ул безнеке булачак!" - диде "Клевер".

Фото: "Башинфом"