Мәскәүдә, Һава-десант гаскәрләрендә!

Мәктәп яшеннән спорт белән актив шөгыльләнгән Уфа егете Айдар Гафаров хәрби хезмәтне илебез башкаласында элита частьта үтә

Башкортстан егетләре хәрби хезмәтне илебезнең кайсы төбәкләрендә генә үтми! Калининградтан — Владивостокка, Кырымнан — Камчаткага кадәр барлык частьларда һәм хәрби подразделениеләрдә ныклы физик һәм рухи әзерлекле Башкортстан егетләрен һәрвакыт очратырга мөмкин. Мәктәп яшеннән үк спорт белән актив шөгыльләнгән Уфа егете Айдар Гафаров исә армия хезмәтен илебез башкаласында тупланган Һава-десант гаскәрләренең 38нче аерым элемтә гвардия полкында үтә. Хәрби хезмәткә ул узган елның 30 июнендә чакырылган.

Айдар Әлфия һәм Илдар Гафаровларның тату гаиләсендә 2004 елның 15 мартында икенче бала булып дөньяга килә. Кече яшьтән теремек, актив малай әле мәктәпкә төшкәнче үк “Динамо-Урал” спорт комплексында йөзү белән шөгыльләнә башлый. Ә инде мәктәптә укыган елларында спортның әлеге төре буенча район һәм шәһәр күләмендә әледән-әле призлы урыннар яулый.

2020 елда башкаладагы “69нчы укыту үзәге” белем бирү учреждениесен яхшы билгеләргә тәмамлаган егет нинди һөнәр сайлаячагын үзе өчен инде хәл иткән була. Ватанга хезмәт итүне, тәртип һәм хокук саклауны төп эше итеп күргән физик һәм әхлакый яктан ныклы әзерлекле егет туп-туры Уфа Фән һәм технологияләр университеты колледжына “Хокук саклау эшчәнлеге” белгечлеге буенча укырга керә. Уку практикасын Русия Эчке эшләр министрлыгының Уфа шәһәре буенча идарәсенең киң билгеле 6нчы полиция бүлекчәсендә үтә.
Укуны тәмамлау белән исә Айдар Гафаров студент костюмын хәрби киемгә алмаштыра. Әйтергә кирәк, илебез башкаласындагы элита частьта да ул ныклы әзерлек, үзен яхшы яктан гына күрсәтеп, танылу алырга өлгергән. Әле күптән түгел генә аңа ефрейтор званиесе биргәннәр.

Башкортстаныбызның йөзек кашы булган егетләребезнең берсе Айдар Гафаровка алга таба да уңышлар гына юлдаш булсын! Ватаныбыз нәкъ әнә шундый көчле рухлы, ныклы физик әзерлекле, чын ватанпәрвәр егетләргә таяна!

Илдар Фазлетдинов.

Автор:Ример Насретдинов

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Об использовании персональных данных

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, «Башкортстан Республикасы» нәшрият йорты акционерлык җәмгыяте.

____________________

УЧРЕДИТЕЛИ: Агентство по печати и средствам массовой информации Республики Башкортостан, Акционерное общество Издательский дом «Республика Башкортостан».

Правила применения рекомендательных технологий

Политика конфиденциальности

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27