“Хәрби хәрәкәтләр мине үзгәртте...”

Роман Риф улы — һөнәри хәрби, контракт буенча 17 ел хезмәт иткән. Аның белән “Московский комсомолец” басмасы хәбәрчесе сөйләшкән (https://ufa.mk.ru/social/2025/04/23/uchastnik-svo-iz-bashkirii-kogda-my-zakhodili-ponimali-chto-proiskhodit.html)

- Беларуська техникада эшелон белән киттек, - дип искә ала ул. - Аннары Беларусь Кораллы көчләре белән берлектә өйрәнүләр булды. 23 февральдән 24 февральгә каршы төндә безне Украина ягына бордылар, колонна төзеделәр...

Роман искә төшергәнчә, ул вакытта дошманның шулкадәр дроннары һәм Көнбатыш техникасы булмаган, болар барысы да соңрак, Украинага Көнбатыш ярдәм итә башлагач барлыкка килгән. "Әмма украиннарны Көнбатыш партнерлары үз мәнфәгатьләрендә генә файдаланды", - ди ул. Яугир Көнбатыш ярдәменнән һәм ялланып сугышучылардан башка Украина армиясе үзе берни дә тормый дип саный.

- Аларның үз дроннары бар иде, ләкин ул кадәр күләмдә түгел һәм, нигездә, разведка дроннары, - ди ул. - Соңыннан аларны авыр техника белән коралландыра башладылар. Ләкин без ул вакытта да җиңү безнең кулда булачагына ышана идек, чөнки без анда бу явызлыкны бетерү өчен кердек. Анда 2014 елда ук керергә кирәк иде, ул вакытта безнең хәрби бүлекчәләр Ростовта, Украина белән чиктә тора иде инде, ә Украина хакимияте тыныч халыкны бомбага тота башлады.

Хәрби хезмәткәр "беренче вакытта куркыныч булды, ләкин һәркем үз эшенең белгече иде, һәм без барлык нечкәлекләрне белгән хәрби җитәкчеләргә ышана идек», дип таный. "Күп нәрсә безнең генералларга бәйле иде, - ди Роман. – Ә безнең мотивация Ватанны саклау булды".

Русия гаскәрләре башта Украина территориясенә Чернигов юнәлеше аша кергән. Аннары аларны кире чыгарганнар. Бу чигенү хәрби дәреслекләргә керәчәк: командирлар сугышчыларны вакытында алып чыккан, ә үзләре артыннан мина кыры калдырганнар.

— Бер алышта яраландым, - дип искә ала Роман Риф улы. — Бу артиллерия уты иде. Сул аякка ике үтәли җәрәхәт, уң аякка бер сукыр җәрәхәт, аннан соң кыйпылчык алдылар. Авыртуны баса торган дару минем янымда иде, мин үземә укол ясар өчен ампула чыгардым. Ләкин өлгермәдем: көчем бетте, ләкин иптәшләрем мине бик тиз эләктереп алды һәм ярдәм итте.

Кыйпылчык сугышчының бот артериясен тишкән. Әгәр дә ярдәм тиз күрсәтелмәсә, хәрби хезмәткәр санаулы мизгелләрдә кан югалтудан һәлак булган булыр иде.

- Жгут куйдык, кан китүне туктаттык, аякны саклап калдык, - ди сугышчы. - Әлбәттә, ниндидер нәтиҗәләр бар. Ләкин мин йөрим. Һәм мин хәрби булуыма һәм, нәтиҗәдә, махсус операциягә эләгүемә тамчы да үкенмим. Хәрби хезмәткәр булмасам һәм беренче көнне үк СВО зонасына эләкмәсәм дә, барыбер анда мобилизация буенча китәр идем дип уйлыйм. Әгәр мобилизация буенча алмасалар, үз теләгем белән сугышырга китәр идем, чөнки берничек тә читтә кала алмыйм.

Роман Гыйльманшин, хәрби хәрәкәтләрдә катнашу мине үзгәрергә мәҗбүр итте, ди.
- Тормышны яхшырак аңлый һәм аның кадерен белә башладым, - ди ул. — Сиңа бу тормышта беренче чиратта нәрсә кирәклеген аңлыйсың. Туганнарың өчен борчыласың. Шул ук вакытта холкым тынычрак хәзер. Нәрсә дә булса эшләгәнче башта күбрәк уйлыйм...

Фото Роман Гыйльманшинның шәхси архивыннан.