Русия Герое Никита Петров туган ягына кайтты

Рөстәм Шәрипов сүзләренә караганда, Никита Петров үзе турында да, казанышлары хакында да сөйләргә яратмый, батырлыклары турындагы сорауларга да елмаеп һәм юмор белән җавап бирә, җитди сөйләшүне йомшарта.

“Тыйнаклык - мөгаен, Никита Петровка хас төп сыйфатларның берседер. Барлык якташларыбыз өчен ул - Ватанга чын батырлык һәм тугрылык гәүдәләнеше, һәм Никита Александрович йөзендә без бүген махсус хәрби операция зонасында лаеклы хезмәт итүчеләргә рәхмәт әйтәбез. Бу очрашу өчен Русия Героена олы рәхмәтебезне белдерәбез, аңа уңышлар һәм яугирнең яшь гаиләсенә иминлек телибез», - дип язды Рөстәм Шәрипов социаль челтәрләрдә.

“Лейтенант Никита Петров - гвардияче десант-штурм полкының парашют-десант взводы командиры, беренче көннәреннән үк махсус хәрби операция зонасында хезмәт итә.

2023 елның июнендә аның взводы Луганск Халык Республикасында сугыш линиясендә дошманның терәк пунктын уңышлы яулап ала, үзләренекеләр арасында югалтуларга юл куймыйча, дошманның 17 хәрбиен юк итте. Аның кыюлыгы һәм стратегик фикерләве нәтиҗәсендә, һөҗүмнең алга таба уңышын тәэмин иткән мөһим разведка мәгълүматлары табылган.

Исегезгә төшерәбез: 2023 елның августында Никита Петров, разведка өчен квадрокоптер кулланып, дошманның ике диверсион-разведка отрядының хәрәкәт итүен ачыклый. Штурм төркеме, засада оештырып, дошманның 20дән артык сугышчысын юк итә һәм ике неонацистны әсирлеккә ала, калганнары кача. Офицер үзе алты неонацистны юк итә. Бу сугышта Никита Петровның гамәлләре хәлиткеч була.

2023 елның августыннан октябренә кадәр аның взводы дошманның көчле һөҗүмнәрен кире кага, дошманга шактый югалтулар китерә. Офицерның оста җитәкчелеге нәтиҗәсендә шәхси составы дошманның өч танкын, дүрт бронялы машинасын һәм илле солдатын юк итә”, - дип яза “Башинформ”.

Фото: bashinform.ru