"Малой" мотоцикллы булды

"Махсус хәрби операция зонасына бардык. Яугирләребез белән очраштык, җыелган гуманитар ярдәмне тапшырдык. Бу юлы ике юнәлештә эшләдек: Вадим Вәлиуллин һәм Олег Павлов Запорожье өлкәсенә бардылар, ә без Владик Сазыкин белән — ДХР, ЛХРга һәм Херсон өлкәсенә, - дип яза Олег Ефимов социаль челтәрләрдәге рәсми сәхифәсендә. - Гуманитар конвой составында иң кирәкле әйберләр булды: 2 мотоцикл, 4 генератор, 2 җылылык күрү прицелы, бензопычкылар, төзелеш материаллары, маскировка челтәрләре һәм костюмнары, шулай ук яугир якташларның якыннарыннан һәм якташлардан посылкалар һәм башкалар".

Шулай ук муниципалитет җитәкчесе Даян Мурзин исемендәге батальонда булуын да яза.

"Бигрәк тә кадерлесе — безнең районнан булган хәрбиләр хезмәт итүче, якташыбыз, герой Даян Мурзин исемендәге батальонда шәхсән булу. Командирлар белән аралаштым, хәзерге ихтыяҗларны тикшердек. "Малой" позывнойлы яугир хәрби бурычларны үтәү өчен мотоцикллы булды. Бу ярдәмне туплауга үз өлешен керткән, яугирләребезнең хәрби бурычын үтәвенә битараф булмаган һәр кешегә чын күңелдән рәхмәтемне белдерәм! Сезнең ярдәмегез — бу зур көч. Шофёрларга аерым рәхмәт, юл озын һәм катлаулы булды, ләкин без булдырдык һәм бурычны үтәдек. Без Туган илебезне нацизм афәтеннән саклаучыларыбызны онытмыйбыз. Без алар белән горурланабыз һәм аларга алга таба да ярдәм итү өчен мөмкин булганның барысын да эшләячәкбез", — дип йомгаклаган сүзен хакимият башлыгы.

Фото: социаль челтәрләрдән.