+2 °С
Болытлы
Барлык яңалыклар
Батырлар дәвере
12 гыйнвар , 22:35
Радий Хәбиров яугир Рөстәм Сафин белән күреште
Бүген Башкортстан Башлыгы Радий Хәбиров Республика йортында махсус хәрби операциядә катнашучы Рөстәм Сафин һәм аның гаиләсе белән очрашты.
Радий Хәбиров яугир Рөстәм Сафин белән күреште
Рөстәм Фәнис улы СВО уздыру зонасына үз теләге белән киткән. Пехотаның хәрби машинасында механик-йөртүче булып хезмәт итә, ә 2023 елның июненнән танкка каршы идарә ителә торган ракеталар взводы командиры була. Узган елның 11 ноябрендә республика Башлыгы белән Туры элемтә вакытында хәрби хезмәткәр Радий Хәбировка видеоэлемтә аша мөрәҗәгать иткән. Ул вакытта төбәк җитәкчесе сугышчы белән аның ялы вакытында очрашырга әзер булуын билгеләде.
Рөстәм Сафинның хатыны һәм өч баласы бар. Күпбалалы әни Илнара Сафина, ире СВОга киткәннән соң, 2022 елда авыл хакимиятен җитәкләгән.
Рөстәм Сафин республика җитәкчелегенә СВОда катнашучыларның гаиләләренә ярдәм күрсәткәннәре өчен рәхмәт белдерде.
Радий Хәбиров балаларга бүләкләр тапшырды, хәрби хезмәткәрнең батырлыгын билгеләп үтте һәм Сафиннар гаиләсенә ныклы сәламәтлек, уңышлар теләде.
– Бу чыннан да искиткеч гаилә – өч бала, тормыш иптәше зур абруй казанган, бүген ул авыл советын җитәкли, – дип ассызыклады Радий Хәбиров.
Фото: glavarb.ru
Новости партнеров