"Үзегезне һәм иптәшләрегезне саклагыз!"

Кичә Уфада Башкортстаннан СВО зонасына мобилизацияләнгәннәрне үзәкләштерелгән озату тантанасы булды.
Хәрбиләрне аларның туганнары, дуслары һәм хезмәттәшләре озатты. Сугышчыларга Уфаның Октябрь һәм Совет районнары хәрби комиссары подполковник Вадим Виноградов һәм башкаланың Совет районы хакимияте башлыгы урынбасары Надежда Чубараева мөрәҗәгать итте.

Вадим Виноградов республика җитәкчелегенә һәм хәрби комиссариатларга хәрбиләрне озату процессын оештырганнары өчен рәхмәт белдерде. Ул махсус операциядә катнашучыларга сәлам һәм Башкортстан Башлыгы Радий Хәбиров һәм республиканың хәрби комиссары Михаил Блажевич исеменнән рәхмәт сүзләрен җиткерде. Подполковник билгеләп үткәнчә, Башкортстан сугышчылары хәрби бурычларын намус белән үти һәм куелган барлык хәрби бурычларны батырларча хәл итә.

"Бүген сезне фронтка озату минем өчен зур мәртәбә. Хезмәтегез өчен рәхмәт сезгә. Туганнарыгызга һәм якыннарыгызга сабырлыклары һәм аңлаулары өчен рәхмәт. Сез гаиләләрегезнең кайгыртучанлыгы һәм мәхәббәте белән әйләндереп алынгансыздыр, өйдә ял итә һәм көнкүреш мәсьәләләрен хәл итә алгансыздыр дип ышанам. Хәзер сез махсус хәрби операция уздыру зонасына барасыз. Уңышлар, сәламәтлек, исән-сау гына өйгә кайтуыгызны телим. Үзегезне һәм иптәшләрегезне саклагыз", - диде Вадим Виноградов.

Фото: bashinform.ru