Башка төбәкләргә дә төрлечә ярдәм күрсәтелә

Башкортстанда пилотсыз системалар гаскәрләрендә хезмәт итәргә теләүче кешеләрдән шалтыратулар урындагы халыктан гына түгел, Русиянең башка төбәкләреннән дә килә. Өстәвенә, гаризалар контракт буенча хәрби хезмәткә сайлау пунктына хәтта төнлә дә килә икән.

Бу хакта сайлау пункты офицеры капитан Фәдис Солтанов хәбәр итте.

Солтанов сүзләренчә, күрше төбәкләрдә яшәүчеләр СВО катнашучыларына һәм аларның гаиләләренә Башкортстанда ярдәм чаралары белән кызыксына. Алар белгечләрдән телефон аша җентекле җаваплар алалар, ә аннары «Защитник»сайлап алу пунктына киләләр. Биредә аларны түләүсез яшәү, өч тапкыр туклану һәм, иң мөһиме, контракт хезмәтенә сайлап алу буенча чараларның тулы комплексы — медосмотр, юридик консультация, финанс һәм башка мәсьәләләр көтә. Монда алар соңгы этапны уза, һәм аларның нинди гаскәрләрдә хезмәт итә алачагы аңлашыла.

"Яшьләр пилотсыз системалар гаскәрләре белән кызыксына. Аларның дөньяга карашы ахыргача формалашмаган, шуңа күрә без аларга барлык актуаль мәгълүматны җиткерергә тырышабыз, барлык законлы аспектларны ачабыз: кайчан ул эштән китә ала, аңа нинди түләүләр һәм ташламалар тиешлеген. Кешеләр СВО зонасында БПЛА операторлары булып хезмәт итәргә дигән соңгы карар кабул иткәч, алар белән безнең инструкторлар эшли. Әңгәмәләрдә, тестларда, практик дәресләрдә БПЛА операторына ярыймы - юкмы икәне ачыклана. Әгәр теге яки бу мәгълүматлар буенча туры килмәсә, техник өлешкә куябыз, әмма шулай ук пилотсыз системалар гаскәрләренә", — диде Фәдис Солтанов.

Фото: bashinform.ru