Без бергә, без — янәшәдә, без яхшыга ышанабыз!

"Пандемия вакытында без читтә калмадык, җәмгыятькә файдалы булу өчен волонтерлар сафына бердәм кушылдык", — дип нәтиҗә ясады Октябрьский үзәк китапханәсенең "Киртәләр юк" социаль-мәдәни үзәге эшчәнлегенә сәламәтлек мөмкинлекләре чикле кешеләр белән эшләү бүлеге мөдире Татьяна Кетько.

— Исәнмесез! Сезне халыкны социаль хезмәтләндерү хезмәте борчый. Әгәр дә сез азык-төлек, медикаментлар яки тагын нинди дә булса ашыгыч ярдәмгә мохтаҗ булсагыз, 3-21-91 саннары буенча мөрәҗәгать итә аласыз.

Шулай итеп, 150 абонентның һәркайсына телефон номерын кабатлыйлар, барлык сорауларга да җавап бирәләр. Татьяна Кетько, Наталья Аширова, Ольга Емельянова һәм Елена Резчикова, үзләренең шәхси эшен читкә куеп, бу эшчәнлеккә башлары белән чумганнар. 65 яшьтән өлкәнрәк кешеләрнең телефон номерларын, чыннан да, читтән ярдәмгә мохтаҗ булган кешеләр турындагы мәгълүматны, аларга «Изгелекнең чиге юк» исемле халыкка социаль хезмәт күрсәтү үзәге автоном оешмасы биргән.
Моңа кадәр биредә волонтерлык эшчәнлеге тәҗрибәсе тупланган иде инде. Инфекциянең беренче дулкынында, медицина битлекләре җитмәгәндә, үзәкнең җиде вәкиле аларны әзерләүгә кереште. Материалларны «Пакер» җәмгыяте бирде.

Куратор вазыйфасын Елена Резчикова үз өстенә алды. Аңа, диспетчер буларак, битлекләр өчен материал алырга, аны бүлергә, әзер продукция җыярга, ә аннары аны адреслар буенча җибәрергә кирәк иде. Нәтиҗәдә, дүрт меңнән артык битлек тегелгән, алар медицина учреждениеләренә озытылган, ә волонтерлар аларны өлкән буын вәкилләренә дә тапшырган.

— Бездә сәламәтлек мөмкинлекләре чикле кешеләргә һәрвакыт ярдәм итәләр, берәү дә аннан баш тартмый. Без җәмгыятьнең бер өлеше һәм аның проблемаларыннан читләшә алмыйбыз. "Без — бергә, без-янәшәдә, без иң яхшыга ышанабыз!"

Фото: "Башинформ"