Монда - Евразия йөрәге

2021 елның июлендә Башкортстан Республикасы Евразия халыклары ассамблеясе көннәрен үткәрү мәйданчыгы булып торачак, аның барышында республика Халыкара ассамблея әгъзаларын, экспертларны һәм журналистларны кабул итәчәк.

Бу хакта Башкортстан Республикасы Премьер-министры, Евразия халыклары ассамблеясенең төбәк вәкиллеге җитәкчесе Андрей Назаров Евразия халыклары ассамблеясе Генеральный секретаре Андрей Бельянинов рәислегендә узган утырышта хәбәр итте.

Андрей Назаров сүзләренчә, Ассамблея көннәре масштаблы чараны үткәрүгә - Ассамблея Генераль советына туры китереләчәк, ул 4 елга бер тапкыр уздырыла. Чараның башлану датасы якынча 2021 елның 3 июленә билгеләнгән, бу көннәрдә республикада шулай ук Бөтендөнья фольклориадасы узачак һәм Евразия халыклары ассамблеясе делегациясе анда катнашачак.

Ассамблея көннәре кысаларында "Евразиада" - 2025 елда Уфада узачак иң зур Евразия уеннарын тәкъдим итү планлаштырылган. Шулай ук Башкортстанның төбәк һәм халыкара матбугат өчен туристик истәлекле урыннары буенча пресс-тур оештырылачак, маркетинг һәм бизнес алып баруның халыкара стандартлары өлкәсендә конференцияләр узачак.

Андрей Бельянинов, үз чиратында, әлеге тәкъдимне хуплады һәм мондый чара Ассамблеядә генә түгел, ә халыкара кунакларга үзенең мәдәни, икътисади һәм туристик потенциалын күрсәтә алырлык республикада да актуаль һәм файдалы булыр, дигән ышаныч белдерде.

Фото: pravitelstvorb.ru