Чара барышында уен берьюлы 25 тактада оештырылды. Мәртәбәле кунак белән авылның яше-карты, шулай ук күрше Чакмагыш районы вәкилләре уйнады. Иң яхшы нәтиҗәләр күрсәтүчеләргә истәлекле бүләкләр, медальләр, Мактау грамоталары тапшырылды. Ә Мәскәү авылының иң өлкән шашка остасы, 81 яшьлек Рим Бәдретдинов өчен блиц-турнир көне икеләтә бәйрәмгә әверелде: тормыш юлдашы Фәния ханым белән шушы көннәрдә истәлекле гомер бәйрәмен билгеләү сәбәпле, алар Башкортстан Республикасы Башлыгы Радий Хәбировның Котлау адресына һәм истәлекле бүләккә лаек булды.
Фото: Мәскәү авылы Советыннан