Владимир Путин Радий Хәбировны Русия көне белән котлады

Анда болай дип әйтелә:

"Хөрмәтле Радий Фәрит улы! Сезне Русия көне белән котлыйм. Илебез һәрвакыт ватанпәрвәрлек традицияләре, халыкның бердәмлеге һәм Ватанга тугрылык традицияләре белән нык булды.

Бу какшамас кыйммәтләр, ата-бабаларыбызның сугышчан батырлыклары һәм хезмәт казанышлары өчен горурлык безнең өчен ышанычлы әхлакый ориентир булып хезмәт итә, игелек һәм гаделлек, Ватаныбыз хакына зур, әһәмиятле максатларга ирешергә ярдәм итә.

Сезгә уңышлар һәм яхшылык телим!"

Котлауны Русия Хөкүмәте рәисе Михаил Мишустин да җибәргән. Анда болай дип әйтелә:

"Хөрмәтле Радий Фәрит улы!

Сезне Русия көне белән котлыйм. Бу бәйрәм Ватанны яратучы һәм аның белән горурланучы һәркемне берләштерә.

Һәм бүген җаваплылык, теләктәшлек, Ватан хакына хезмәт итәргә омтылу - теләсә нинди янауларга каршы торырга, безнең дәүләтебезне ныгытуга һәм үстерүгә юнәлтелгән стратегик бурычларны хәл итүдә уңышка ирешергә ярдәм итә.

Чын күңелдән Сезгә һәм якыннарыгызга сәламәтлек, бәхет, иминлек, эштә уңышлар һәм яңа казанышлар теләп калам."


Шулай ук, котлауны Русия Президентының Идел буе федераль округындагы Тулы вәкаләтле вәкиле Игорь Комаров та җибәргән. Анда болай диелә:

"Хөрмәтле Радий Фәрит улы!

Бу бәйрәм - безнең бердәмлек көне, буыннар дәвамлылыгы, һәрберебезнең үз иле өчен җаваплылыгы турында искә төшерү.

Без барлык эшләрне дә лаеклы дәрәҗәдә эшли алырбыз дип ышанам. Сезгә чын күңелдән ныклы сәламәтлек, тынычлык һәм игелек, барлык башлангычларыгызда уңышлар, бәхет һәм иминлек телим!"