-24 °С
Болытлы
Гәзиткә язылуVKOKTelegram
Барлык яңалыклар
Бердәмлек
30 август 2023, 19:35

Русия Герое Рәфыйк Ихсанов яшьләрне тәрбияләүдә СВО ветераннарының роле турында сөйләде

Русия Геройлары җәмгыять тормышында бик актив катнаша һәм үсеп килүче буынны шәхси үрнәктә тәрбияләү буенча эшне һәрвакыт башкарырга әзер. Бу хакта Башкортстанда туган Русия Герое, Хәрби-һава көчләренең запастагы полковнигы Рәфыйк Ихсанов белдерде.

Русия Герое Рәфыйк Ихсанов яшьләрне тәрбияләүдә СВО ветераннарының роле турында сөйләде
Русия Герое Рәфыйк Ихсанов яшьләрне тәрбияләүдә СВО ветераннарының роле турында сөйләде

Кичә Идел буе федераль округында Президентның Тулы вәкаләтле вәкиле Игорь Комаров Казанда Русия Федерациясе Геройлары белән очрашты, анда алар яшьләрне патриотик тәрбияләү мәсьәләләре буенча фикер алышты.

Игорь Комаров хәрби хезмәткәрләргә Ватанны яклау-саклаудагы хезмәтләре өчен рәхмәт белдерде һәм ил халкы өчен аларның батырлыклары бәяләп бетергесез булуын, яшьләрнең алардан үрнәк алуын билгеләде.

- Хакимият вәкилләре Ватанга мәхәббәт турында сөйләгәндә яшьләр моны бер төшенчәдә кабул итә, ә үзләре моны кичергән кешеләр Ватанга мәхәббәт турында сөйләгәндә бөтенләй башка караш була. Безнең өчен сезнең тәҗрибәгезне һәм белемнәрегезне үсеп килүче буынга җиткерергә ярдәм итү мөһим, - дип ассызыклады Игорь Комаров.

Игорь Комаров белән очрашуда катнашкан Рәфыйк Ихсанов яшьләргә карата тәрбия эше турындагы фикере белән уртаклашты. Аның фикеренчә, эш комплекслы булырга тиеш һәм анда аерым урын ветераннарга, шул исәптән махсус хәрби операциядә катнашучыларга бирелергә тиеш.

- Очрашуда безне яшьләрне патриотик тәрбияләү проблемалары турында сөйләргә һәм уртаклашырга сорадылар. Без ел саен Русиянең барлык төбәкләрендә "Ватан Геройлары вахтасы" акциясен уздырабыз һәм патриотик эштә казанышлар турында гына түгел, проблемалар турында да беләбез. Без Игорь Комаровка безнең чаралар һәм Русиядә Бөек Ватан сугышы елларында әлеге исемгә лаек булган ике Советлар Союзы Герое гына исән калуы турында сөйләдек. Аларга 100 яшь. Дан орденнарының тулы кавалерлары юк инде. Русия Геройлары арасында 614 кеше исән. Ә күпләргә "Русия Герое" исеме үлгәннән соң бирелгән. Ветераннарның, шул исәптән Геройларның да, җәмгыятьтә роле бик зур. Алар яшь буынны шәхси мисалы үрнәгендә тәрбияли, - диде Рәфыйк Ихсанов.

Фото: bashinform.ru

Автор:Денис Таваев
Читайте нас в