-9 °С
Болытлы
Гәзиткә язылуVKOKTelegram
Барлык яңалыклар
Бердәмлек
30 октябрь 2023, 12:15

Ирәмәлдән Зур Уралга - дуслык күпере

29 октябрьдә Екатеринбургта Урал башкаласына нигез салынуга 300 ел тулуга багышланган XX Төбәкара башкорт мәдәнияте фестивале узды.

Ирәмәлдән Зур Уралга - дуслык күпере
Ирәмәлдән Зур Уралга - дуслык күпере

Бәйрәм Башкортстан Республикасы Мәдәният министрлыгы ярдәме белән Свердловск өлкәсе Дәүләт халык иҗаты сараеның зур концерт залында булды.

Өлкә фестивале бөтен Зур Уралдан кунаклар җыйды. Үз чыгышлары белән бәйрәмне Башкортстан Республикасы кунаклары – Учалы филармониясе коллективы, шулай ук Свердловск, Чиләбе, Төмән өлкәләре һәм Пермь крае иҗат берләшмәләре бизәде.

Чара барышында мавыктыргыч күргәзмәләр, осталык дәресләре тәкъдим ителде, алар чарада катнашучыларга башкорт халкының мәдәнияте һәм гореф-гадәтләре белән якыннан танышырга мөмкинлек бирде.

- Башкорт мәдәнияте фестивале - Русия халыкларының иҗади потенциалын үстерүгә һәм этномәдәни күптөрлелекне саклауга, этник һәм милләтара мөнәсәбәтләрне гармонияләштерүгә юнәлтелгән уникаль проект. Бәйрәм барлык катнашучылар һәм кунаклар күңелендә иң яхшы истәлекләр калдырыр, башкорт халкының бай рухи һәм мәдәни мирасына тагын бер тапкыр кушылырга мөмкинлек бирер дип ышанам. Һәм, әлбәттә, күпмилләтле илебез халыклары арасында дуслык элемтәләрен һәм үзара аңлашуны ныгытачак", - дип билгеләп үтте Башкортстан Республикасының Чиләбе өлкәсендәге вәкиле Әлфир Баимов.

Фото: https://oblgazeta.ru/culture-and-sports/fairs/2023/09/16162/

Автор:Резида Валитова
Читайте нас в