"Мин дә кино төшерәчәкмен!"

Анда балалар "Ат уйнатып" дигән яңа уен тәкъдим итте. Ә үсмерләр дискуссия клубында билгеле режиссер Флүзә Фархшатова белән очрашты.

Флүзә Марс кызы кино сөючеләргә "Спроси Марту" сериалы, «О чем говорят мужчины. Продолжение», «Чего хотят женщины», «Дневник новой русской»; «Сердцеедки», «Карамель», «Атлантида» сериаллары аша билгеле. Ул Уфа сәнгать училищесын тәмамлый һәм Мәскәүдәге ГИТИСта И. Масленников классында укый.

Үзләренең киләчәген сәнгать юлы белән бәйләргә хыялланган үсмерләргә барысы да кызык: актер яки режиссер булыр өчен нинди булырга кирәк, нинди китаплар укырга, ниди фильмнар карарга... Режиссер аларга чын сәнгать әсәрләрен күрә белергә өйрәтте.

- Микеланджелога охшатып сурәт төшерергә теләүчеләр белән дөнья тулган, әмма андый Оста берәү генә, кабатланмас. Шуңа да чынны башкадан аера белергә кирәк. Ә моның өчен күп укырга, музейларда ешрак булырга, картиналар карарга кирәк.

Шулай ук режиссер үзенең беркайчан да алынмаячак темаларын атады - ул балаларны һәм хайваннарны рәнҗетү турында кино төшермәячәк.

Әңгәмә кызыклы һәм фәһемле булды.

Фото: Динар Кәлимуллин.