"Безнең бурыч - ирешелгәннәрдә тукталып калмау"

- Быел бизнес-шерифлар институтына - биш ел, - диде Радий Хәбиров. – Без җитди тырышлык куйдык һәм бергәләп билгеле бер нәтиҗәләргә ирештек. Шул исәптән сезнең эшегез нәтиҗәсендә Башкортстан бүген инвестклимат торышының рейтингы, шулай ук Русия төбәкләрендә сәнәгать сәясәтен гамәлгә ашыруның нәтиҗәлелеге рейтингы лидерлары рәтенә керә. Әмма безнең бурыч - ирешелгәннәрдә генә тукталып калмау һәм алга бару.

Башкортстан Башлыгы урыннарда эшкуарлык даирәсе белән эшне камилләштерү буенча төп бурычларны билгеләде.

- Икътисадны үстерү һәм инвестицияләр җәлеп итү – махсус хәрби операциягә ярдәм итүдән соң әһәмияте буенча икенче бурыч. Һәм моның өчен барыннан да элек бизнесның эш шартларын булдыру мөһим. Инвесторларның хакимияткә ышанычын формалаштырырга. Бу җәһәттән без шактый яхшы дәрәҗәгә чыктык, - дип билгеләп үтте Радий Хәбиров.

Төбәк җитәкчесе аңлатканча, икътисадка инвестицияләр җәлеп итүнең яхшы темплары – еш кына берничә ел дәвамында формалашкан проектларны гамәлгә ашыру нәтиҗәсе. Һәр муниципалитет эшкуарлар белән системалы эш алып барырга тиеш. Моның өчен иң яхшы территорияләр тәҗрибәсен тиражларга кирәк. Радий Хәбиров уңай мисалларның берсе итеп Туймазы районын атады.

Радий Хәбировның бизнес-шерифлар белән очрашуы кысаларында муниципальара кооперацияләр конкурсында катнашкан инвестиция проектлары тәкъдир ителде. Очрашу азагында Башкортстан Башлыгы бизнес-шерифларга нәтиҗәле эшләре өчен рәхмәт белдерде һәм республиканың дәүләт бүләкләрен тапшырды.

- Бизнес-шерифлар институты - эшкуарлыкны үстерүдә зур әһәмияткә ия мөһим проект. Эшне тагын да нәтиҗәлерәк итү өчен бергә эшләүне дәвам итәчәкбез. Мондый очрашулар сезнең активлыгыгызны һәм компетентлыгыгызны арттыруга яхшы этәргеч бирә, - дип билгеләде Радий Хәбиров.

Фото: glavarb.ru