+26 °С
Болытлы
Гәзиткә язылуVKOKTelegram
Барлык яңалыклар
Көнүзәк
16 Май 2015, 22:19

Фатир хуҗалары сүзенә колак салмыйлар...

“Уфаны чәчәккә күмделәр, ә без ясаган түтәлләргә вакташ атып киттеләр”, – дип ризасызлык белдерә ДОКта яшәүчеләр.Редакциягә юлланган мөрәҗәгать буенча Уфаның Черниковка бистәсенә юл тоттык. Моның өчен башкаланы буеннан буена үтәргә кирәк. Көннәр җылытуга шәһәрнең җанлануы сизелә: һәр тарафта эш кайный. Уфада үтәчәк ШОС һәм БРИКС саммитларына аны матурлыйлар: чистарталар, юалар, юлларны төзекләндерәләр... Зур-зур төзелешләр тәмамлану алдында, бер ел эчендә берничә урында үзенчәлекле проектлы яңа кунакханәләр калкып чыккан, көзге-пыяладан балкып утыралар. Без үтеп киткән Сипайлово бистәсе дә чисталыгы, архитектура һәйкәле булырлык яңа биналары белән сокландырды. Георгий Жуковның тугыз катлы йорт биеклегендә төшерелгән рәсеме Җиңү бәйрәме рухын саклый. Бу — маршалның Русиядәге иң зур рәсеме икән. Ватанның лаеклы улына шундый үзенчәлекле һәйкәл.

Черниковка гына безне серәеп утырган торбалары, ватык юллары, чүпле ихаталары белән каршы алды. “Кызыл таң”га ярдәм сорап шалтыратучы Садыйка апа Зәкиева яшәгән Ферин урамындагы 24/1 йорты яны да камиллектән бик ерак иде. Кояшлы матур көннәр торуга карамастан, подъезд алдындагы кителеп беткән асфальтлы юлда су җыелып тора. Йорт алдында хуҗалар үзләре ясаган чәчәк түтәлләре дә бозылган, анда вакташ ыргытылган.
Читайте нас: