Бакча кирәк, торак кирәк...

Чарада Уфа районы хакимияте башлыгы урынбасары Денис Ковшов та катнашты. Ул бүгенге көнне бу мәсьә­ләнең тикшерү үтүен, төзе­лешнең туктатып торылуын белдерде. Карар халыкның фикерен искә алып кабул ителәчәк.
Уфа районының Лебяжий поселогы халкы исеменнән мөрә­җәгать итүчеләр торак пунктны төзекләндерү үтенече белән килгән. Халык юллар сыйфатын яхшырту, тротуарлар, балалар спорт мәйданчык­лары төзү, шулай ук интернет үткәрү хыялы белән яна. Соңгысы бөтенләй башка сыймаслык хәл, бүгенге заманда башкалага терәлеп утырган поселокка интернет үткәрел­мәсен инде! Денис Ков­шовның бу мәсьәләгә үзенең аңлат­масы бар. Аның белде­рүенчә, биредә яшәүче халык­ның 70 проценты поселокта тер­кәл­мәгән, димәк, салым түләми. Шул сәбәпле гражданнар­ның теләген гамәлгә ашыру өчен ак­ча җитми. Шулай да төзек­лән­дерү мәсьәләсе әкренләп булса да хәл ителә. Константин Толкачев иң элек инвалид балалар яшәгән урамнарда юлларны төзекләндерү зарурлыгына басым ясады.

Максимовка авылында балалар бакчасы булмау монда яшәүче эшкуар Эдуард Әхтә­мовны “Бердәм Русия” партия­сенең төбәк бүлекчәсе Сәяси советы секретарена мөрәҗәгать итәргә мәҗ­бүр иткән. Авылда бүген мәк­тәпкәчә яшьтәге 670 бала исәп­ләнә. Проблеманы учреж­де­ние­нең иске бинасын төзеклән­дереп тә, яңаны төзеп тә хәл итеп була. Уфаның Калинин районы хакимияте башлыгы урынбасары Алик Велиев хә­бәр итүенчә, поселокта балалар бакчасы төзү буенча проект расланган, бөтен тиешле эшләр дә башкарылган. Константин Толкачев бу проблеманы да шәхси контроленә ал­ды.

Чарада торак проблемасы да күтәрелде. Казахстанда туып-үсеп, 20 ел элек Башкортстанда төпләнгән Зариповлар гаиләсе тораксыз интегә. Киров районы­ның торак-файдалану участогында 20 ел эшләгән гаилә баш­лы­гының даими теркәлү урыны да юк. Ул авыр эштә эшләп II группа инвалидлыгы алган, сүзләренә караганда, аны әллә ничә тапкыр фатир бирергә вәгъ­дә итеп алдаганнар. Уфа шәһәре хакимиятенең бүлек мөдире Зилә Мөхәммәтова әй­түенчә, бүген гаиләне мох­таҗ­лар исем­легенә чиратка куярга хокукый нигез юк. Әле Зариповлар сүте­лергә тиешле иске йортта тер­кәлмичә генә яши. Константин Борисович Уфа хакимияте башлыгы, прокуратура вәкилләре белән берлектә кичекмәстән аларны торак белән тәэмин итүнең законлы юлларын табарга тәкъдим итте.

— Бөтен мөрәҗәгатьләр дә мөһим һәм әһәмиятле. Алар кеше язмышларына, аларның хокукларын, мәнфәгатьләрен яклауга кагыла. Күп мәсьәләләр муниципалитетлар дәрәҗәсендә хәл ителергә тиеш булса да, объектив һәм субъектив сәбәп­ләр аркасында чишелеш тапмаган. Проблемаларның бер өле­ше законнарның камил булмавы белән бәйле. Һәр проблеманы хәл итү мөм­кинлеген табачакбыз, — диде Константин Толкачев.