+24 °С
Болытлы
Гәзиткә язылуVKOKTelegram
Барлык яңалыклар
Көнүзәк
1 декабрь 2015, 21:25

Һәркайсы үрнәк алырлык!

Стәрлебаш районында алдынгылар җыены узды.Стәрлебаш авылында узган Авыл хезмәткәрләре җыенында уңганнар тәбрикләнде. Җыен район Мәдәният сараенда узды һәм анда барлык тармакларда эшләүчеләр дә катнашты. Алдынгы хезмәт­кәр­ләрне район хакимияте баш­лыгы Фәнүр Туктаров, авыл хуҗалыгы министры урынбасары Илдар Насыйров, Дәүләт җыелышы-Корылтай депутаты Илдус Гомәров, район Советы рәисе Юнир Рысаев, “РегионСтрой-Плюс” җәм­гыяте генеральный директоры Фәзит Фаткуллин, “Мәләвез сөт-консерва комбинаты” директорының урынбасары Данил Ихсанов тәбрикләделәр.

Иң беренче булып сәхнә түренә хезмәт ветераннары чакырылды. Мө­­­ни­рә Батталовага, Рим Гас­кәровка, Фәнил Хө­сәеновка рәх­мәт хатлары, бүләкләр тапшырылды.

Быел район хезмәткәрләре беренче тапкыр Санкт-Петербург шәһәрендә узган “Агрорусь” Халыкара агросәнәгать күргәзмә­сендә катнашкан. Нәтиҗәдә, шәхси эшкуарлар һәм фермер хуҗа­лыклары башлыклары Илдар Гаскәров, Вадим Кинҗәбузов белән Альберт Латыйпов күргәзмәдән алтын медаль бе­лән кайткан. Мәскәү шәһәрендә узган “Алтын көз” Русия агро­сәнәгать күргәз­мәсендә исә “Стәрлебаш мәгълүмат-консультация үзәге” һәм фермер хуҗалыгы җитәкчесе Фәридә Рысаева — алтын, Ленин исе­мендәге авыл хуҗалыгы кооперативы (җитәкчесе — Юрис Синагулов), “Нива” кулланучылар җәмгыяте (җитәк­чесе — Айрат Фархшатов) көмеш медальгә лаек булганнар.
Яхшы эшләүчеләр исә­бендә Кабакыш авылының янгын сүндерү командасы аталды, аның җитәкчесе Айдар Сөярембәтов бүләкләнде.

Район хакимиятенең агро­сәнәгать комплексы, эшкуарлык һәм кулланучылар базары бүлеге баш агрономы Наил Ибраһимовка, “Нур” агрофирмасы савучысы Зилә Исән­гуҗинага Русия Авыл хуҗа­лыгы министрлыгының рәхмәт хатлары тапшырылды.

“Кызыл таң” гәзите үз уку­чыларын “Правда” агрофирмасы”ның булдыклы директоры Эдуард Аветисян белән таныштырганы бар. Ул “Баш­кортстанның атказанган авыл хуҗалыгы хезмәткәре” дигән исемгә лаек булган.

Республика Авыл хуҗа­лыгы министрлыгының рәхмәт хатлары район Ветеринария станциясе начальнигы Азат Әхмәровка, “Тулпар” җәмгыяте механизаторы Зөлфәт Вәлиә­х­мәтовка, “Күндрәк” колхозы механизаторы Венер Вахитовка, “Россельхозбанк”ның Стәр­лебаштагы офисы идарәчесе Ринат Гыйльметдиновка, “Правда” агрофирмасы савучысы Рәйлә Даутовага, “Нур” агрофирмасы тракторчысы Әмир Изикаевка, Ленин исе­мендәге кооператив баш агрономы Вафир Корбангалиевка, “Нива” җәмгыяте директоры Айрат Фархшатовка бирелде.

Бер төркем алдынгылар район хакимияте һәм Сове­ты­ның мактау грамоталары һәм рәхмәт хатлары белән бүләк­ләнде.

Бу көнне “Һөнәрендә — иң яхшысы” район конкурсына йомгак ясалды. Төрле һөнәр ияләрен бер үк сыйфатлар — уңганлык һәм эшкә җаваплы караш берләштерә. Әйтик, иң яхшы комбайнчы булып танылган Рим Зыязетдинов елның-елында уңыш җыюда алдынгылыкны ала. Авыл хуҗалыгы тармагында 26 ел хезмәт салучы быел 18600 центнер ашлык суктырып алган.

Ә районның иң яхшы механизаторы Илдус Нургалиев һөнәренә 34 ел гомерен багышлаган.
“Стәрлебаш чишмәләре” гәзитенең социаль тормыш бүлеге мөдире, Русия һәм Башкортстан Журналистлар берлеге әгъзасы Рәйсә Мусина да — үз эшенең остасы.

Зөлфия Латыйпова — иң яхшы театр режиссеры. Ул район Мәдәният сарае каршында эшләп килүче театр коллективына җитәкчелек итә. Мифтахетдин Акмулла исе­мендәге премия лауреаты Зөлфия Зиннәт кызы ярдәме белән районда театр хәрәкәте җан­ланып киткән.

Берничә ел элек район хакимияте башлыгы Фәнүр Туктаров башлангычы белән оештырылган әлеге бәйрәмдә, мөгаен, бер генә уңган хезмәт-кәр дә телгә алынмый калмагандыр. Фәнүр Зөфәр улы слет­ка җыелучыларны район­ның икътисади хәле белән таныштырды, алдынгы хезмәт кешелә­ренең уңышын билге­ләде.
Читайте нас: