Зәлия — тәҗрибәсе, Айсылу яшьлеге белән алдырды

“Дружба” җәмгыятенең ямьле буа янындагы җәйге лагеренда бәйгечеләр башта теоретик белемен күрсәтте, сыер саву аппаратларын сү­теп-кору осталыгында көч сынашты. Конкурсның төп өлеше саналучы сыер саву аеруча оешкан төстә барды. Иглиннан, Стәр­лебаштан һәм Чишмәдән кил­гән яшь савучылар Оксана Ягафәрова, Гөлфия Бикбулатова, Айсылу Әхмәтҗа­нова күзәтүче­ләрне үзләренең җи­тез­леге, эшкә шәплеге белән сокландырды.

Шулай да быелгы бәйгедә тәҗрибә җиңде – республика чемпионы исемен Мәләвез районының Салават исемен­дәге авыл хуҗалыгы кооперативы савучысы Зәлия Исәнъ­ю­­лова яулады.

Җиңүчегә һәм призлы урыннар алучыларга республика Авыл хуҗа­лыгы министр­лыгының Мактау грамоталары, акчалата бүләкләр тапшырылды. Бәйгедә катнашкан бик күпләр төрле номинацияләрдә җиңеп, кыйм­мәтле бүләкләр алуга иреште. Бәйге­челәрнең барысы да махсус дипломнар һәм истәлекле бүләкләр алып куанды.

Иглин районының “Юнысов” крестьян-фермер хуҗа­лыгы операторы 22 яшьлек Айсылу Әхмәтҗанова конкурста катнашкан иң яшь бәйгече буларак билгеләнде.

Конкурсның йомгаклау өлешен Миякә районының мәдәният хезмәткәр­ләре зур бәйрәм концерты белән бизә­де. Бәйге флагын төшерү хокукы, традиция буенча, быелгы җиңүчегә бирелде. Киләсе ел­да республика конкурсын Мәләвез районы кабул итәчәк.