“Республиканың кайбер районнарыннан умарта кортларының начар кышлавы турында борчулы хәбәрләр килә. Аерым районнарда аларның үлеме 60тан 80 процентка кадәр җиткән», — ди «Башкорт умартачылыгы» оешмасы генеральный директоры Сергей Мөлеков.
Төгәл саннар соңрак, март ахырында, умарталар чыгарылгач билгеле булачак.
Хәзер Башкортстанда 357 мең умарта оясы бар. Шуларның 83 проценты - шәхси хуҗалыкларда, 13 проценты — крестьян-фермер хуҗалыкларында һәм 4 проценты — авыл хуҗалыгы предприятиеләрендә. Һәр елны республикада 6,5 мең тонна бал җитештерелә. Бу - дөнья күләмендә җитештерелгән балның 0,4 проценты.