Иң яхшы товарлар билгеләнде

– “Башкортстанның иң яхшы товарлары” конкурсы республикада җитеш­терел­гән продукциянең, хезмәт­ләр­нең сыйфатын яхшыртуга хез­мәт итә, – диде Амран Миһ­ран улы. – Катнашучылар безнең бел­гечләр тарафыннан тикшерү үтә. Җиһазлар, сыйфат сертификатлары, мөһим документлар, кулланучылар мөрәҗәгать­ләре, продукция хакы, контроль-күзәтчелек орган­нарының гозер­ләре энә күзеннән үткә­релә. Нәти­җәдә, хәл ителәсе мәсьәләләр, кимчелекләр ачыклана. Хаталар өстендә эшләү конкурста югары урын алуга гына түгел, продукция сыйфаты яхшыруына да китерә. Конкурста җиңүчеләр федераль дәрәҗәдәге “Русиянең иң яхшы товары” конкурсында катнашу хокукын яулый.
Алексей Карпухин җиңү­че­ләрне ихлас тәбрикләп, уңышлар теләде.
Быел конкурста 108 төр продукция һәм 57 хезмәт җиң­гән. Аларның кайберләренә игътибар итик. “Ортостан.ру” җәмгыяте халыкны протез-ортопедия продукциясе белән тәэмин итә. Сыйфатлы пластмассадан ясал­ган корсетлар умыртка баганасы авыруларын дәва­ларга, савыгырга ярдәм итә. Корсетларга чит төбәкләрдә дә ихтыяҗ зур икән.
“ОВК-Система” җәм­гыяте кондиционерларны урнаштыру һәм төзек­ләндерү серләрен яхшы белә.
Әйткәндәй, Башкортстан предприятиеләре “Русия­нең 100 яхшы товары” конкурсында 1998 елдан бирле катнаша һәм ел саен югары казанышларга ирешә. Бәйгенең 2016 елгы нәтиҗәләре буенча республикада җитеш­терелүче 75 төр продукция һәм 43 предприятие күрсәткән хезмәт дипломнарга лаек булды. Төбәк пред­приятиеләре конкурсның “Сыйфат лидеры”, “Сыйфат тәме” һәм “Чит ил продукциясен үзебезнекенә алыштырудагы уңышлар өчен” югары бүләкләрен алды. Республика данын яклаячак продукцияләрнең һәм хез­мәт­ләрнең быел да федераль дәрәҗәдәге конкурста сынатмаячагына өмет зур. Чөнки төбәк сәнәгате дә, кече бизнес та үсеш кичерә.