+17 °С
Облачно
Көнүзәк
10 Июля 2017, 21:00
Бездән өйрәнәләр!
Уфада Идел буе һәм Урал федераль округларының стандартлаштыру һәм метрология үзәкләре яшь белгечләренең IV төбәкара конференциясе үтте.Чараны Башкортстанның Стандартлаштыру, метрология һәм тәҗрибәләр үзәге, Стандартлаштыру, метрология һәм сертификатлаштыру академиясенең Башкортстан филиалы һәм Уфа дәүләт авиация техник университеты оештырдылар. Башкалага, якташларыбыздан тыш, Түбән Новгород, Екатеринбург, Пермь, Казан, Томск, Ырынбур, Чиләбе, Самара, Ижевск һәм башка шәһәрләрдән белгечләр җыелды. Конференциядә үлчәү чараларының бердәмлеге, сыйфат менеджменты һәм тармактагы башка мөһим мәсьәләләр күтәрелде.
— Мондый чара киләчәктә “Росстандарт”ның эшчәнлеген тагын да яхшырту өчен фикердәшләрне берләштерүгә, үлчәүләрне гамәлгә ашыруны тәэмин итү системасын халыкара таләпләргә һәм стандартларга яраштыруга да хезмәт итә, — диде, кунакларны сәламләп, Баш-кортстанның Стандартлаштыру, метрология һәм тәҗрибәләр үзәге җитәкчесе Әмран Моратшин.
Әйтергә кирәк, мондый дәрәҗәле чара Башкортстанда юкка гына дүртенче тапкыр оештырылмый. Республиканың Стандартлаштыру, метрология һәм тәҗрибәләр үзәге илдә иң яхшылардан санала. Үзәк 1902 елда оештырылган. Стәрлетамак, Октябрьский, Нефтекама, Бөре һәм Белорет шәһәрләрендә филиаллары бар. Предприятиедә яшь белгечләрне дәртләндерүгә, үстерүгә җитди игътибар бүленә. Атап әйткәндә, хезмәт салучыларның 30 процентына 35 яшь тулмаган. Үзәк башлангычы белән Уфа дәүләт авиация техник университетында 2002 елда стандартлаштыру һәм сертификатлаштыру кафедрасы оештырылган. 2015 елдан кафедра стандартлаштыру һәм метрология дип атала башлаган. Барлыгы 300дән артык белгеч әзерләнгән. Дипломлы белгечләргә ихтыяҗ зур. Шуңа күрә, метролог һөнәрен сайлаучылар күп. Әйтик, былтыр 27 студент укырга кергән. Шуларның 25е — бюджет урынына. Уку йорты буенча 178 балл укырга керергә мөмкинлек бирсә, кафедрага абитуриентлар 226 балл белән килгән. Гомумән, бер урынга 13 абитуриент дәгъва иткән. Гаризалар саны 218гә җиткән.
Конференция кысаларында һөнәри осталык конкурсы, стенд, докладлар бәйгесе дә үтте. Башкортстанның яшь белгечләре дә сынатмады. Артур Саптаров белән Алинә Хәйруллина призлы урыннар яулады.
Дүртенче тапкыр югары дәрәҗәдә үткән чара Башкортстанда метрология үсешенә җитди игътибар бирелүен кабат дәлилләде. Төрле төбәкләрнең яшь белгечләре фикер алышып, тәҗрибә уртаклашып яши икән, димәк, тармакның киләчәге якты.
Әйтергә кирәк, мондый дәрәҗәле чара Башкортстанда юкка гына дүртенче тапкыр оештырылмый. Республиканың Стандартлаштыру, метрология һәм тәҗрибәләр үзәге илдә иң яхшылардан санала. Үзәк 1902 елда оештырылган. Стәрлетамак, Октябрьский, Нефтекама, Бөре һәм Белорет шәһәрләрендә филиаллары бар. Предприятиедә яшь белгечләрне дәртләндерүгә, үстерүгә җитди игътибар бүленә. Атап әйткәндә, хезмәт салучыларның 30 процентына 35 яшь тулмаган. Үзәк башлангычы белән Уфа дәүләт авиация техник университетында 2002 елда стандартлаштыру һәм сертификатлаштыру кафедрасы оештырылган. 2015 елдан кафедра стандартлаштыру һәм метрология дип атала башлаган. Барлыгы 300дән артык белгеч әзерләнгән. Дипломлы белгечләргә ихтыяҗ зур. Шуңа күрә, метролог һөнәрен сайлаучылар күп. Әйтик, былтыр 27 студент укырга кергән. Шуларның 25е — бюджет урынына. Уку йорты буенча 178 балл укырга керергә мөмкинлек бирсә, кафедрага абитуриентлар 226 балл белән килгән. Гомумән, бер урынга 13 абитуриент дәгъва иткән. Гаризалар саны 218гә җиткән.
Конференция кысаларында һөнәри осталык конкурсы, стенд, докладлар бәйгесе дә үтте. Башкортстанның яшь белгечләре дә сынатмады. Артур Саптаров белән Алинә Хәйруллина призлы урыннар яулады.
Дүртенче тапкыр югары дәрәҗәдә үткән чара Башкортстанда метрология үсешенә җитди игътибар бирелүен кабат дәлилләде. Төрле төбәкләрнең яшь белгечләре фикер алышып, тәҗрибә уртаклашып яши икән, димәк, тармакның киләчәге якты.
