+21 °С
Болытлы
Көнүзәк
10 сентябрь 2019, 12:59
"Ышанычыгызны акларга тырышачакбыз!"
"Бердәм Русия" партиясенең республикадагы төбәк бүлекчәсе журналистлар белән очрашты.
Бүген "Бердәм Руссия" партиясенең Башкортстандагы төбәк бүлекчәсе Бердәм тавыш бирү көненә багышланган матбугат конференциясе үткәрде. Журналистлар соравына партиянең төбәк бүлекчәсе секретаре, Дәүләт җыелышы-Корылтай Рәисе Константин Толкачев җавап бирде.
- 8 сентябрьдә республика буенча 818 сайлау кампаниясе булды. Шул ук көнне республика Башлыгы сайланды. Чарада халыкның 71,80 проценты катнашты. "Бердәм Русия" партиясе вәкилләре һәр төрле сайлауда диярлек иң күп тавыш җыйды, - диде Константин Борисович.
Сайлау алды кампаниясендә кандидатлар җитди тикшерү үтте. Анда 14 меңгә якын кеше катнашты. Алар укулар үтте, халык белән очрашты, акцияләр оештырды һәм башка чараларда катнашты.
- Партиягә керергә теләк белдерүчеләр бик күп. Безнең партиядә чиновниклар аз. Күбрәк мәгариф, сәламәтлек саклау өлкәсендә эшләүчеләргә өстенлек бирәбез, - диде ул.
Константин Толкачев "Бердәм Русия" партиясе башлангычы белән үткән берничә чарага да тукталды. Мәсәлән, "Йолдыз белән зарядка". Билгеле спортчылар республиканың төрле шәһәр-районнарында халыкны спорт белән шөгыльләнүгә әйдәде.
Константин Толкачев партиягә ышаныч белдерүчеләргә рәхмәт әйтте һәм аларның ышанычы акланачагына ышандырды.
