+24 °С
Яңгыр
Көнүзәк
22 октябрь 2019, 16:19
Башкортстан — “Сколково" фондының төбәк операторы
Башкортстан белән “Сколково" фонды арасында инновацион өлкәдә хезмәттәшлек турындагы килешүгә кул куелды.
Башкортстан белән “Сколково" фонды арасында инновацион өлкәдә хезмәттәшлек турындагы килешүгә кул куелды.
Башкортстан Республикасы рәсми рәвештә “Сколково” фондының төбәк операторы булды. Республика Башлыгы Радий Хәбиров бүген Мәскәүнең “Ачык инновацияләр-2019” халыкара инновацион үсеш форумында килешүгә кул куйды.
— Бу чираттагы документка кул кую гына түгел. Без, асылда, инновацияләр һәм аларны тормышка ашыру арасында күпер булачакбыз. Хәзер “Сколково” башкорт резидентлары республикада үзләренә тиешле барлык преференцияләрне дә рәсмиләштерә алачак, — диде Радий Хәбиров.
Аерым алганда, “Сколково" резидентлары 5 миллионнан 300 миллион сумга кадәр грантлар алачак. Алар өчен шулай ук салым һәм башка ташламалар да каралган.
Резидент булу өчен “Сколково” фондының рәсми сайтында теркәлергә һәм электрон гариза тапшырырга кирәк.
— Әлегә фондта Башкортстаннан 14 резидент теркәлгән, әмма чикләүләр юк, билгеле бер таләпләр генә бар, — дип билгеләп үтте төбәк җитәкчесе.
Тулырак мәгълүмат “Минем бизнес” үзәкләрендә: Уфа, Тынычлык урамы, 14 һәм Зәки Вәлиди урамы, 2 (“Торатау” Конгресс-холлы). Элемтә өчен телефоннар: +7(347) 224-99-99, 216-40-80. Эш көннәрендә 10нан 19 сәгатькә кадәр.
Хәбиров һәм Дворкович кул куйган килешү 2020 елның 1 гыйнварыннан гамәлгә керәчәк.
