+21 °С
Болытлы
Көнүзәк
28 ноябрь 2019, 09:00
Алар республика данын арттыра!
Уфада Башкортстанның иң лаеклы гражданнарын ачыклау буенча узган конкурс җиңүчеләрен бүләкләү тантанасы үтте
Уфада Башкортстанның иң лаеклы гражданнарын ачыклау буенча узган конкурс җиңүчеләрен бүләкләү тантанасы үтте
“Башкортостан” дәүләт концерт залында “Иҗтимагый электрон гәзит” сайтында республиканың иң лаеклы гражданнарын ачыклау буенча узган тавыш бирү конкурсы финалчыларына һәм җиңүчеләренә мактаулы һәм истәлекле бүләкләр тапшырылды.
Конкурсның муниципаль этабындагы 248 җиңүчедән 12 абсолют җиңүче сайлап алынды. Чарада Башкортстан Дәүләт җыелышы-Корылтай Рәисе урынбасары Рөстәм Ишмөхәммәтов, Башкортстан Башлыгының муниципаль берәмлекләр белән бәйләнешләр буенча идарә начальнигы Юрий Коземаслов, Русия Дәүләт думасы депутаты, 13 тапкыр Паралимпия чемпионы Рима Баталова, Дәүләт думасы депутатлары Илдар Бикбаев, Зөһрә Рәхмәтуллина, генерал-полковник, Дәүләт думасы депутаты, Русия Герое Николай Антошкин, Дәүләт җыелышы-Корылтай комитеты рәисе Раил Әсәдуллин, Уфа шәһәре хакимияте башлыгы урынбасары Алина Сөләйманова, полковник, Русия Герое Владимир Алимов, Һава-десант гаскәрләре генерал-майоры, Русия Герое Сергей Тулин һәм башкалар катнашты.– Конкурс беренче ел гына үткәрелми, һәм без нәтиҗәләрне ныклап карыйбыз. Әлеге конкурсны оештыручыларга рәхмәт әйтәсем килә. Безнең республикада һәм, гомумән, Русиядә патриотик тәрбиягә, рухи-әхлакый башлангычларны үстерүгә зур игътибар бирелүен билгеләп үтәсем килә. Мин ышанам: ул киләчәктә шәһәр һәм районнар дәрәҗәсендә генә түгел, ә төбәкара һәм федераль конкурска әверелер. Барыгызга да ныклы сәламәтлек һәм иң амбициоз планнарыгызның тормышка ашуын телим, – диде Рөстәм Ишмөхәммәтов.
Әйтергә кирәк, җиңүчеләрнең берсе “Кызыл таң” нәшрияты директоры-баш мөхәррире Фаил Фәтхетдинов булды. Ул “Журналист, язучы, радиотапшырулар алып баручы” номинациясендә җиңү яулады.
“Дәүләт эшлеклесе, муниципаль хезмәткәр” номинациясендә Башкортстанның беренче Президенты Мортаза Рәхимов җиңде.
“Фән һәм мәгариф” номинациясендә Нефтекама шәһәренең 1нче лицеена нигез салучы һәм директоры Вячеслав Гәрәев беренче урынга чыкты.
“Спорт” номинациясендә беренче урында – “Шотокан” үсмерләр клубы җитәкчесе һәм тренер-укытучы Юрий Архипов.
“Сәнәгать, төзелеш, авыл хуҗалыгы, транспорт һәм сәүдә” номинациясендә “Русия” җәмгыяте директоры Фидәрис Гарипов җиңүче булды.
“Сәламәтлек саклау” номинациясендә җиңүче – Калтасы дәваханәсенең терапия бүлеге мөдире Маргарита Насыйбуллина.
“Мәдәният һәм сәнгать” номинациясендә беренче урынга Уфаның 7нче балалар музыка мәктәбе укытучысы Алевтина Бикбаева лаек булды.
“Актив гаилә, күпбалалы гаилә” номинациясендә беренче урынга Усаевлар гаиләсе чыкты.
“Эшкуар” номинациясендә танылган эшкуар, фермер Дамир Идиятуллин җиңүче булды.
“Кораллы Көчләрдә хезмәт итү, МЧС, полиция” номинациясендә ЮХХДИ начальнигы Динар Гыйльметдинов җиңү яулады.
“Героик гамәл кылган кеше” номинациясендә беренче урында – кыз баланы суга батудан коткарган 12 яшьлек Азамат Арапов.
“Җәмәгать эшчәнлеге, хәйриячелек” номинациясендә беренче урынга “Акрополь” оешмасы генеральный директоры, Дәүләт җыелышы-Корылтай депутаты Хәйдәр Гайсин чыкты.
Ример НАСРЕТДИНОВ.
“Башкортостан” дәүләт концерт залында “Иҗтимагый электрон гәзит” сайтында республиканың иң лаеклы гражданнарын ачыклау буенча узган тавыш бирү конкурсы финалчыларына һәм җиңүчеләренә мактаулы һәм истәлекле бүләкләр тапшырылды.
Конкурсның муниципаль этабындагы 248 җиңүчедән 12 абсолют җиңүче сайлап алынды. Чарада Башкортстан Дәүләт җыелышы-Корылтай Рәисе урынбасары Рөстәм Ишмөхәммәтов, Башкортстан Башлыгының муниципаль берәмлекләр белән бәйләнешләр буенча идарә начальнигы Юрий Коземаслов, Русия Дәүләт думасы депутаты, 13 тапкыр Паралимпия чемпионы Рима Баталова, Дәүләт думасы депутатлары Илдар Бикбаев, Зөһрә Рәхмәтуллина, генерал-полковник, Дәүләт думасы депутаты, Русия Герое Николай Антошкин, Дәүләт җыелышы-Корылтай комитеты рәисе Раил Әсәдуллин, Уфа шәһәре хакимияте башлыгы урынбасары Алина Сөләйманова, полковник, Русия Герое Владимир Алимов, Һава-десант гаскәрләре генерал-майоры, Русия Герое Сергей Тулин һәм башкалар катнашты.– Конкурс беренче ел гына үткәрелми, һәм без нәтиҗәләрне ныклап карыйбыз. Әлеге конкурсны оештыручыларга рәхмәт әйтәсем килә. Безнең республикада һәм, гомумән, Русиядә патриотик тәрбиягә, рухи-әхлакый башлангычларны үстерүгә зур игътибар бирелүен билгеләп үтәсем килә. Мин ышанам: ул киләчәктә шәһәр һәм районнар дәрәҗәсендә генә түгел, ә төбәкара һәм федераль конкурска әверелер. Барыгызга да ныклы сәламәтлек һәм иң амбициоз планнарыгызның тормышка ашуын телим, – диде Рөстәм Ишмөхәммәтов.
Әйтергә кирәк, җиңүчеләрнең берсе “Кызыл таң” нәшрияты директоры-баш мөхәррире Фаил Фәтхетдинов булды. Ул “Журналист, язучы, радиотапшырулар алып баручы” номинациясендә җиңү яулады.
“Дәүләт эшлеклесе, муниципаль хезмәткәр” номинациясендә Башкортстанның беренче Президенты Мортаза Рәхимов җиңде.
“Фән һәм мәгариф” номинациясендә Нефтекама шәһәренең 1нче лицеена нигез салучы һәм директоры Вячеслав Гәрәев беренче урынга чыкты.
“Спорт” номинациясендә беренче урында – “Шотокан” үсмерләр клубы җитәкчесе һәм тренер-укытучы Юрий Архипов.
“Сәнәгать, төзелеш, авыл хуҗалыгы, транспорт һәм сәүдә” номинациясендә “Русия” җәмгыяте директоры Фидәрис Гарипов җиңүче булды.
“Сәламәтлек саклау” номинациясендә җиңүче – Калтасы дәваханәсенең терапия бүлеге мөдире Маргарита Насыйбуллина.
“Мәдәният һәм сәнгать” номинациясендә беренче урынга Уфаның 7нче балалар музыка мәктәбе укытучысы Алевтина Бикбаева лаек булды.
“Актив гаилә, күпбалалы гаилә” номинациясендә беренче урынга Усаевлар гаиләсе чыкты.
“Эшкуар” номинациясендә танылган эшкуар, фермер Дамир Идиятуллин җиңүче булды.
“Кораллы Көчләрдә хезмәт итү, МЧС, полиция” номинациясендә ЮХХДИ начальнигы Динар Гыйльметдинов җиңү яулады.
“Героик гамәл кылган кеше” номинациясендә беренче урында – кыз баланы суга батудан коткарган 12 яшьлек Азамат Арапов.
“Җәмәгать эшчәнлеге, хәйриячелек” номинациясендә беренче урынга “Акрополь” оешмасы генеральный директоры, Дәүләт җыелышы-Корылтай депутаты Хәйдәр Гайсин чыкты.
Ример НАСРЕТДИНОВ.
