+28 °С
Болытлы
Көнүзәк
1 апрель 2020, 13:25
Коронавирус чигенә башлаган!
Ләкин уяулыкны онытырга иртә әле.
Ләкин уяулыкны онытырга иртә әле.
Русиядә коронавирус акрынлап чигенә башлады. 31 мартта авыру очраклары 30ына караганда 60 кешегә кимрәк теркәлгән.
31 март нәтиҗәләре буенча илнең 35 төбәгендә коронавирусның 440 яңа очрагы теркәлгән. Бу хакта оператив комитет хәбәр итте. Ә 30ында 500 авыру турында хәбәр ителгән иде.
Бер тәүлектә иң күп вирус йоктыру Мәскәүдә (267 кеше) ачыкланган, беренче очраклар Курск өлкәсендә һәм Төньяк Осетиядә расланган.
Шул ук вакытта, инфекцияне җиңә алган кешеләр саны арта. Кичә Русия дәваханәләреннән 69 кеше савыгып чыккан, шуларның 45е - Мәскәүдә. Сәламәтләнүчеләрнең калганнары илнең 14 төбәгендә язылган. Болар: Новосибирск өлкәсе (2), Удмуртия Республикасы (3), Якутия (1), Самара өлкәсе (1), Саратов өлкәсе (1), Төмән өлкәсе (1), Рязань өлкәсе (1), Калининград өлкәсе (3), Воронеж өлкәсе (2), Тула өлкәсе (3), Краснодар крае (1), Татарстан Республикасы - (1), Мәскәү өлкәсе (3), Башкортстан Республикасы (1).
Фото: dw.com
