+21 °С
Болытлы
Көнүзәк
6 июнь 2020, 17:25
"Ышанам, без бу өлкәдә тагын да үсешәчәкбез"
Радий Хәбиров «Газпром трансгаз Уфа» җәмгыятенең магистраль газүткәргечләр (ЛПУМГ) Шаран линия җитештерү идарәсендә булды.
Радий Хәбиров «Газпром трансгаз Уфа» җәмгыятенең магистраль газүткәргечләр (ЛПУМГ) Шаран линия җитештерү идарәсендә булды.
Башкортстан Башлыгы Радий Хәбиров бүген «Газпром трансгаз Уфа» җәмгыятенең магистраль газүткәргечләр (ЛПУМГ) Шаран линия җитештерү идарәсендә булды. Предприятие филиалы 1980 елда нигезләнгән һәм бүген өч магистраль газүткәргеч буенча транспортлауны тәэмин итә. Аның җаваплылыгы зонасына шулай ук республиканың дүрт районын газ белән тәэмин итү керә.
Радий Хәбиров КС-19 «Шаран» компрессор станциясен реконструкцияләү белән танышты. Аның кысаларында Украина тарафыннан 40 ел элек файдалануга кертелгән һәм бүген инде искергән газ кудыру агрегатларын «ОДК-УМПО» оешмасы җитештергән заманча АЛ-31СТ двигательләренә алыштыру үткәрелә.
Уфа двигателе базасында яңа агрегатлар газ транспортының ышанычлылыгын, газ транспортлау системасының энергия нәтиҗәлелеген арттырырга һәм атмосферага зарарлы матдәләр чыгаруны киметергә мөмкинлек бирә.
Предприятиенең генеральный директоры Шамил Шәрипов сүзләренә караганда, хәзерге вакытта "Газпром" объектларында бөтен ил буенча
Уфада җитештерелгән 77 двигатель кулланыла, шуларның 24е - "Газпром трансгаз Уфа" җәмгыятендә.
Шамил Шәрипов шулай ук метанны мотор ягулыгы сыйфатында куллануны киңәйтү программасын гамәлгә ашыруның барышы турында сөйләде.
Төбәк Башлыгы предприятиенең эш нәтиҗәләрен уңай бәяләде, шул исәптән Башкортстанның газ тармагында югары технологияле продукциясен куллануны киңәйтү буенча. Радий Хәбиров ассызыклаганча, республика газ транспортчыларының һәм Уфа машина төзүчеләренең перспектив планнарын гамәлгә ашыруда ярдәм итүне дәвам итәчәк.
- Ышанам, яңа агрегатлар алга таба да энергетик машина төзелешен дәвам итәчәк, - дип билгеләде Башкортстан Башлыгы.
Фото: glavarb.ru
