+21 °С
Болытлы
Көнүзәк
7 июль 2020, 18:30
"Авыл тренеры" программасына квота бүленәчәк
Бүген Башкортстан Башлыгы Радий Хәбиров республика Хөкүмәте каршындагы инвалидлар эшләре буенча Координацион Советның киңәйтелгән утырышын үткәрде.
Бүген Башкортстан Башлыгы Радий Хәбиров республика Хөкүмәте каршындагы инвалидлар эшләре буенча Координацион Советның киңәйтелгән утырышын үткәрде.
Катнашучылар мөмкинлекләре чикле балаларны һәм үсмерләрне реабилитацияләү, социаль объектларга һәм торак биналарга инвалидларның уңайлы үтеп керүен тәэмин итү мәсьәләләре буенча фикер алышты.
Утырышны ачып, төбәк җитәкчесе эшнең төп юнәлешләрен билгеләде. Алар арасында - сәламәтлек мөмкинлеге чикләнгән балалар һәм үсмерләр өчен иртә ярдәм күрсәтү буенча тернәкләндерү үзәкләре, адаптив физик культура, инвалидлар өчен уңайлы мохит белән торак урыннары булдыру.
– Без гадәттән тыш режимда эшләдек һәм эшлибез, – диде Радий Хәбиров. - Кызганычка каршы, коронавирус белән хәл безнең өчен гадәти хәлгә әверелде, ә хәл ителергә тиешле мәсьәләләр кала. Мөмкинлекләре чикле кешеләрнең проблемалары белән эзлекле һәм даими рәвештә шөгыльләнергә кирәк. Бары тик шулай гына уңышка ирешергә мөмкин.
Башкортстанның гаилә, хезмәт һәм халыкны социаль яклау министры Ленара Иванова сүзләренә караганда, төбәктә инвалид балалар саны арта. Шул ук вакытта иртә реабилитация халыкның бу төркемендәге күп кенә проблемаларны хәл итә алыр иде. Ленара Иванова билгеләп үткәнчә, иртә ярдәмгә бүлеп бирелә торган акча – сүз ел саен 13 миллион сум турында бара – сәламәтлек мөмкинлекләре чикле балаларга гадәти мәктәпләргә һәм балалар бакчаларына йөрү мөмкинлеге бирә.
Бу тезисны Башкортстан инвалид балаларның ата-аналарының Бөтенрусия оешмасы һәм «Содействие» җәмәгать оешмасы төбәк бүлеге рәисе Людмила Сәхапова раслый. Тәҗрибә күрсәткәнчә, «Содействие» программасы әгъзалары булган кешеләрнең 80 процентына кадәр социальләштерү белән проблема юк, дип билгеләп үтә ул.
Радий Хәбиров, бу өлештә төбәк сәламәтлек саклау, мәгариф һәм халыкны социаль яклау көчләрен берләштереп, мәсьәләне эшләп бетерергә тәкъдим итте.
Адаптив физик культура үсеше турында Башкортстан яшьләр сәясәте һәм спорт министры Руслан Хәбибов сөйләде. Ул хәбәр иткәнчә, сәламәтлек мөмкинлекләре чикле 180 меңнән артык кешенең спорт белән шөгыльләнү өчен медицина чикләүләре юк, әмма бу мөмкинлектән аларның 20 проценттан кимрәге генә файдалана. Соңгы алты елда гражданнар өлеше 2,8 тапкыр арткан, республика илдә адаптив физкультураны үстерү буенча лидерларның берсе булып тора, әмма, Руслан Хәбибов билгеләп үткәнчә, әле бик күп эшлисе бар.
Тармак проблемалары арасында Башкортстан спорт министрлыгы җитәкчесе квалификацияле тренерларга, барыннан да элек, авыл районнарында кытлык булуын билгеледе. Берничә дистә шундый белгечне ел саен Башкортстан физик культура институты чыгара, әмма түбән хезмәт хакы аларны башка өлкәләрдә эш эзләргә мәҗбүр итә.
Башкортстан башлыгы ведомство тәкъдимен хуплады һәм «Авыл тренеры» программасында адаптив физкультура укытучылары өчен квота бүлеп бирүне йөкләде.
Уңайлы мохит үсеше турында сөйләгәндә, төбәкнең вице-премьеры – торак-коммуналь хуҗалык министры Борис Беляев подъездларны ремонтлау программасы кысаларында киртәләрсез мохит элементларын урнаштыруга акча салынганлыгын билгеләп үтте. Әйтик, 2020 елда бу максатларга 1,5 миллион сум тирәсе акча салынган. Радий Хәбиров киләсе елда әлеге сумманы өч тапкыр арттырырга тәкъдим итте.
***
Нәтиҗә ясап, республика җитәкчесе тагын бер кат сәламәтлек мөмкинлекләре чикле кешеләрнең проблемаларын хәл итү белән системалы рәвештә шөгыльләнергә, бу өлкәдә даими эшне җайга салырга кирәклеген ассызыклады. Радий Хәбиров кушуы буенча инвалидлар эшләре буенча Координация советы квартал саен җыелачак.
Фото: glavarb.ru
Катнашучылар мөмкинлекләре чикле балаларны һәм үсмерләрне реабилитацияләү, социаль объектларга һәм торак биналарга инвалидларның уңайлы үтеп керүен тәэмин итү мәсьәләләре буенча фикер алышты.
Утырышны ачып, төбәк җитәкчесе эшнең төп юнәлешләрен билгеләде. Алар арасында - сәламәтлек мөмкинлеге чикләнгән балалар һәм үсмерләр өчен иртә ярдәм күрсәтү буенча тернәкләндерү үзәкләре, адаптив физик культура, инвалидлар өчен уңайлы мохит белән торак урыннары булдыру.
– Без гадәттән тыш режимда эшләдек һәм эшлибез, – диде Радий Хәбиров. - Кызганычка каршы, коронавирус белән хәл безнең өчен гадәти хәлгә әверелде, ә хәл ителергә тиешле мәсьәләләр кала. Мөмкинлекләре чикле кешеләрнең проблемалары белән эзлекле һәм даими рәвештә шөгыльләнергә кирәк. Бары тик шулай гына уңышка ирешергә мөмкин.
Башкортстанның гаилә, хезмәт һәм халыкны социаль яклау министры Ленара Иванова сүзләренә караганда, төбәктә инвалид балалар саны арта. Шул ук вакытта иртә реабилитация халыкның бу төркемендәге күп кенә проблемаларны хәл итә алыр иде. Ленара Иванова билгеләп үткәнчә, иртә ярдәмгә бүлеп бирелә торган акча – сүз ел саен 13 миллион сум турында бара – сәламәтлек мөмкинлекләре чикле балаларга гадәти мәктәпләргә һәм балалар бакчаларына йөрү мөмкинлеге бирә.
Бу тезисны Башкортстан инвалид балаларның ата-аналарының Бөтенрусия оешмасы һәм «Содействие» җәмәгать оешмасы төбәк бүлеге рәисе Людмила Сәхапова раслый. Тәҗрибә күрсәткәнчә, «Содействие» программасы әгъзалары булган кешеләрнең 80 процентына кадәр социальләштерү белән проблема юк, дип билгеләп үтә ул.
Радий Хәбиров, бу өлештә төбәк сәламәтлек саклау, мәгариф һәм халыкны социаль яклау көчләрен берләштереп, мәсьәләне эшләп бетерергә тәкъдим итте.
Адаптив физик культура үсеше турында Башкортстан яшьләр сәясәте һәм спорт министры Руслан Хәбибов сөйләде. Ул хәбәр иткәнчә, сәламәтлек мөмкинлекләре чикле 180 меңнән артык кешенең спорт белән шөгыльләнү өчен медицина чикләүләре юк, әмма бу мөмкинлектән аларның 20 проценттан кимрәге генә файдалана. Соңгы алты елда гражданнар өлеше 2,8 тапкыр арткан, республика илдә адаптив физкультураны үстерү буенча лидерларның берсе булып тора, әмма, Руслан Хәбибов билгеләп үткәнчә, әле бик күп эшлисе бар.
Тармак проблемалары арасында Башкортстан спорт министрлыгы җитәкчесе квалификацияле тренерларга, барыннан да элек, авыл районнарында кытлык булуын билгеледе. Берничә дистә шундый белгечне ел саен Башкортстан физик культура институты чыгара, әмма түбән хезмәт хакы аларны башка өлкәләрдә эш эзләргә мәҗбүр итә.
Башкортстан башлыгы ведомство тәкъдимен хуплады һәм «Авыл тренеры» программасында адаптив физкультура укытучылары өчен квота бүлеп бирүне йөкләде.
Уңайлы мохит үсеше турында сөйләгәндә, төбәкнең вице-премьеры – торак-коммуналь хуҗалык министры Борис Беляев подъездларны ремонтлау программасы кысаларында киртәләрсез мохит элементларын урнаштыруга акча салынганлыгын билгеләп үтте. Әйтик, 2020 елда бу максатларга 1,5 миллион сум тирәсе акча салынган. Радий Хәбиров киләсе елда әлеге сумманы өч тапкыр арттырырга тәкъдим итте.
***
Нәтиҗә ясап, республика җитәкчесе тагын бер кат сәламәтлек мөмкинлекләре чикле кешеләрнең проблемаларын хәл итү белән системалы рәвештә шөгыльләнергә, бу өлкәдә даими эшне җайга салырга кирәклеген ассызыклады. Радий Хәбиров кушуы буенча инвалидлар эшләре буенча Координация советы квартал саен җыелачак.
Фото: glavarb.ru
