"Республика Хөкүмәтенең максаты - югарырак позицияләрдә булу»

«Бизнесны яклау: G2B. партнерлык эволюциясе» халыкара форумы барышында Башкортстан Хөкүмәте Премьер-министрының беренче урынбасары Андрей Назаров республика Хөкүмәтенең бизнесны алга таба үстерүнең максатларын атады.

- Без Башкортстанның, үз потенциалы һәм бүген республикада гамәлгә кертелгән мөнәсәбәтләр белән, беренче өчлек позициясендә булуына ышанабыз. Моңа омтылачакбыз һәм 2024 елга без бизнеска мөнәсәбәтне сизелерлек яхшыртачакбыз һәм административ басымны минималь позицияләргә кадәр киметәчәкбез, - дип ассызыклады беренче вице-премьер.

Андрей Назаров билгеләп үткәнчә, әлеге максатларга ирешүдә иң нәтиҗәле инструментлардан инвесторларга, эшкуарларга басымны киметү буенча шунда ук ярдәм алырга мөмкинлек бирә торган атналык инвестицион сәгатьләрне мисал итеп китерергә мөмкин.

Муниципаль берәмлекләрдә үткәрелә торган эшкуарлык сәгатьләре шулай ук урыннарда эшләүче эшкуарларга яки муниципаль берәмлекләргә килгән инвесторларга турыдан-туры хакимият дәрәҗәсендә ярдәм алу мөмкинлеге бирә. Моннан тыш, Башкортстан Башлыгы хакимияте җитәкчесе Александр Сидякин һәм Эшкуарлар хокукларын яклау буенча вәкил Флүр Әсәдуллин җитәкчелегендәге Проект офисының нәтиҗәле эшчәнлеге билгеләнде.

- Нормаль, имин тормыш өчен бизнес алып баруга кирәк булган күпчелек күрсәткечләр буенча мин 2024 елга Башкортстан беренче бишлектә булырга тиеш дип саныйм. Гомумән, республика Хөкүмәтенең әлеге чорга максаты - беренче бишлеккә караганда югарырак позицияләрдә булу, - диде Андрей Назаров.

Фото: https://pravitelstvorb.ru/