Си Цзиньпин Путинга Икенче бөтендөнья сугышы нәтиҗәләрен якларга вәгъдә бирде

Кытай Русия белән бергә Икенче бөтендөнья сугышы нәтиҗәләрен якларга әзер, дип белдерде КХР Рәисе Си Цзиньпин.

Бу хакта ул Русия Президенты Владимир Путинга сугыш тәмамлануга 75 ел тулу уңаеннан җибәрелгән котлау телеграммасында язган, дип хәбәр итә «Синьхуа» агентлыгына сылтама белән "РИА-Новости".

Цзиньпин билгеләп үткәнчә, Кытай «Икенче бөтендөнья сугышында җиңүне, шулай ук халыкара гаделлек өстендәге кебек үк, хәлиткеч яклау өчен» Русия белән көчләрне берләштерергә әзер".

Русия Президенты Владимир Путин 1 сентябрьдә «Истә тотарга — димәк, белергә» дигән Бөтенрусия ачык дәрес вакытында Икенче бөтендөнья сугышы тарихын үзгәртеп язу белән килешүчеләрне "заман коллаборационистлары" дип атады. Русия лидеры сүзләренә караганда, Икенче бөтендөнья сугышыннан соң дөнья тәртибе булдырылды, ул бүген дә эшли, әмма кемгәдер бу тәртипне «үзгәртергә кирәк» кебек тоелды, ә моның өчен тарихны үзгәртеп язарга кирәк.

Агымдагы елның июнендә Русия лидеры Американың "The National Interest" басмасында «Икенче бөтендөнья сугышының 75 еллыгына багышланган реаль дәресләр» дигән мәкаләсен дә бастырган иде.

Фото: lenta.ru