Башкортстан Президент грантлары конкурсында иң актив катнашучылардан

Президент грантлары өчен көрәш: тапшырылган гаризалар саны буенча илнең лидер төбәкләре билгеле булды.

15 октябрьдә 2021 елда Русия Федерациясе Президенты грантларын алуга беренче конкурсның гариза бирү кампаниясе тәмамланды. Бүген Башкортстанның, Мәскәүне санамыйча, Русия төбәкләре арасында конкурска бирелгән гаризалар саны буенча 4нче урынны алып торуы һәм Идел буе федераль округы төбәкләре арасында беренче урынны алуы хакында игълан ителде - барлыгы 400 гариза.

Республиканың барлык катнашучыларын биредә: https://президентскиегранты.рф/public/application/car карарга мөмкин.



Конкурс 13 юнәлеш буенча үткәрелде. Кагыйдә буларак, Башкортстанның коммерцияле булмаган оешмалары арасында иң популяр юнәлешләр түбәндәгеләрдән гыйбарәт:

1) социаль хезмәт күрсәтү, гражданнарга социаль ярдәм күрсәтү һәм яклау;

2) гражданнарның сәламәтлеген саклау, сәламәт яшәү рәвешен пропагандалау;

3) мәдәният һәм сәнгать өлкәсендәге проектларга ярдәм итү;

4) фән, мәгариф өлкәсендәге проектларга ярдәм итү.



Республика коммерцияле булмаган оешмаларының актив катнашуына аларның тәҗрибә уртаклашулары да, Башкортстан Иҗтимагый палатасы аппаратында яңа катнашучыларга документларны грантка дөрес рәсмиләштерергә булышулары да ярдәм итә. Палата аппаратының коммерцияле булмаган оешмалар ресурс үзәге, гадәттәгечә, конкурста катнашучыларга заявкалар әзерләгәндә ярдәм итте.



Фото: bashinform.ru