Бүздәк көннән-көн матурлана...

Күптән түгел Бүздәк авылының «Төньяк» микрорайонындагы ял һәм спорт паркы иң яхшылар сафында түгел иде.

Бу узган гасырның җитмешенче елларында җиһазландырылган стадион иде, анда яшелләндерү компанияләре вакытында агачлар утырттылар, коры һавада чирәмдә футбол уйнадылар, скандинавия йөреше белән шөгыльләнделәр.

Быел барысы да үзгәрде. «Уңайлы шәһәр тирәлеген формалаштыру» программасы ярдәмендә биредә төзекләндерү буенча масштаблы эшләр башланды. Яз көне «Яшел Русия», «Яшел Башкортстан» акцияләре кысаларында 180 ылыслы үсенте утыртылды. «Мин Башкортстанны яратам» арт-объекты урнаштырылды.

Планлаштырылган эшләрнең барлык күләмен башкарып чыгу өчен ике ел вакыт кирәк булачак. Беренче этапта резин өслекле футбол кырын урнаштыру эшләре башкарылган инде, челтәрле коймалар урнаштыру эшләре бара.

Киләсе елга планлаштырылган эшләрнең икенче этабы түбәндәге эшләрне үз эченә ала: баскетбол һәм волейбол мәйданчыклары, йөгерү һәм җәяүлеләр юллары, контейнер мәйданчыгы, кече архитектура формалары – эскәмияләр һәм чүплекләр, парковка, клумбалар, яктырту.

Фото: bashinform.ru