+22 °С
Яңгыр
Көнүзәк
23 ноябрь 2020, 08:15
Мәсьәлә системалы хәл ителәчәк
Узган ялларда Башкортстан Башлыгы Радий Хәбиров Салават һәм Ишембайда булды. Шул турыда ул социаль челтәрләрдә үз фикерен белдергән.
Узган ялларда Башкортстан Башлыгы Радий Хәбиров Салават һәм Ишембайда булды. Шул турыда ул социаль челтәрләрдә үз фикерен белдергән.
«Алга» махсус икътисади зонасы. Монда барысы да актив үсә. Планлаштырганча - сроклар белән озакка сузмыйбыз. Ике предприятие инде төзелеш эшләрен башлап җибәрә. Киләсе елда Ишембайда тегү производствосы һәм яктырткычлар җитештерү ачылачак. Шуңа күрә «Алга»ның барлык участокларын резидентлар үзләштерә башлый. Шул исәптән чит ил резидентлары да барлыкка килде - Корея, Венгрия, Казахстаннан. Безнең уйлар инде киләчәккә төбәлгән. Без киләсе шундый үсеш ноктасы турында уйлыйбыз. Тулаем алганда, республиканың үсеш аналитикасын уздырабыз.
Хәзер бер кашык дегет. Салават шәһәрендә уңайлы шәһәр мохите үсешен карагач, күңелсез хисләр кичердем. 2020 елга шәһәр 129 миллион сум алган, шул исәптән 120 миллион - федераль бюджеттан. Бу - сәнәгать үсешенә караганда мөһимрәк, чөнки кешеләр эшләргә генә түгел, ял итәргә дә тели. Яр буен вакытында тапшырмадылар, чөнки шәһәрнең элекке җитәкчелеге һәм Торак-коммуналь хуҗалык министрлыгы өч ай эшкә керешмәгән һәм контрактны өзәргә туры килгән. Аңлаешсыз коммерсантларны конкурста сайлап алганнар. Яңа подрядчылар яхшы эшли, әмма без объектларны вакытында тапшырырга тиеш. Бу проблеманы системалы хәл итәчәкбез", - дип яза "Вконтакте" да Радий Хәбиров.
Фото: "Вконтакте"
