+21 °С
Болытлы
Көнүзәк
28 ноябрь 2020, 11:05
Законнарны яхшы беләсеңме?
Юридик белемне камилләштерүгә игътибар кимеми.
Юридик белемне камилләштерүгә игътибар кимеми.
4 декабрьдә Уфада Русиядә беренче QR-Конституцияне тәкъдир итү була. Инициатива «Конституция-2020: беренче хакимият эволюциясе» V Бөтенрусия юридик форумы кысаларында тәкъдим ителәчәк. "Интерактив проект илнең Төп законына яңа төзәтмәләр турында мәгълүматны тарату һәм смартфон булган һәркемгә аның актуаль редакциясенә керү мөмкинлеге бирәчәк.
QR-Конституция Башкортстанның матди булмаган санлы мирасының даими элементы булачак һәм халыкның киң катламнарын колачларга ярдәм итәчәк", - дип белдерде Башкортстан Хөкүмәте Премьер-министры Андрей Назаров. QR-кодлы диварларны Башкорт дәүләт университетында, Күпфункцияле үзәкләрдә, автобус тукталышларында һәм башка социаль әһәмияткә ия урыннарда урнаштырачаклар. Аларның контенты урнашу урынына карап үзгәреп торачак; QR-кодлар шәһәр халкын Конституциянең конкрет учреждение эше юнәлешенә туры килә торган мәддәләре белән таныштырачак.
4 декабрьдә шулай ук Уфада IV Бөтенрусия хокукый диктант язу башлана. Ул «Конституция-2020: беренче хакимият эволюциясе» Гомумрусия юридик форумына багышланган. Хокук өлкәсендә үз белемнәреңне Русия Конституциясенә үзгәрешләр кертелгәннән соң тикшерү аеруча актуаль. Гомумрусия тавыш бирү барышында хупланган төзәтмәләр 2020 елның җәендә үз көченә керде. "Диктантның төп бурычы - хокукый мәдәният дәрәҗәсен күтәрү һәм хокукларын өйрәнүдә халыкның мотивациясен яңарту. Аның ярдәмендә без белем бирү программаларын камилләштерү буенча тәкъдимнәр эшли, хокукны өйрәнүдә нинди пробелларны тулыландырырга кирәклеге турында җәмгыятькә кире элемтә бирә алабыз ", - ди башкарма директор вазыйфаларын башкаручы, "Русия юристлары ассоциациясе" Аппараты җитәкчесе Елена Спиридонова.
Былтыр диктантта 220 меңнән артык кеше катнашты, быел онлайн язу нәтиҗәсендә, катнашучылар санын шактый арттыру планлаштырыла. Тест нәтиҗәләре хокук белеме дәрәҗәсе турында объектив мәгълүмат бирәчәк.
Фото: absoluttv.ru
