+21 °С
Болытлы
Көнүзәк
24 февраль 2021, 15:50
Чүп кенә булса да, җитди контроль таләп итә ул
Бүген каты коммуналь калдыкларны чыгару буенча җитди сөйләшүләр булды.
Бүген Башкортстан Хөкүмәтендә каты коммуналь калдыклар белән эш итү өлкәсендә агымдагы проблемаларны хәл итү буенча чираттагы киңәшмә узды. Киңәшмә Хөкүмәт Премьер-министры Андрей Назаров рәислегендә аның урынбасары, торак-коммуналь хуҗалык министры Борис Беляев катнашлыгында видеоконференцэлемтә режимында узды.
Көн тәртибендә каты коммуналь калдыклар белән эш итү буенча төбәк операторларының эш сыйфатына кагылган сорауларга җаваплар эзләү булды. Республиканың Табигатьтән файдалану һәм экология министрлыгы төбәк операторлары эшчәнлегенә калдыкларны чыгаруның расланган графикларын үтәү өлешендә көндәлек мониторинг үткәрә. Мәсәлән, «Дюртюлимелиоводстрой» җәмгыятенең төбәк операторы эшенә җентекле анализ ясалды.
Мониторинг күрсәткәнчә, әлеге төбәк операторы эшчәнлеге зонасында барлык торак пунктлар да каты коммуналь калдыкларны чыгару хезмәте белән мәшгуль, кимендә атнага бер мәртәбә 10 торак пунктта калдыклар чыгарыла.
Социаль челтәрләрдә яшәүчеләрнең республикада каты коммуналь калдыкларны чыгару мәсьәләләре буенча мөрәҗәгатьләренә анализ күрсәткәнчә, 13-19 февральдә «Инцидент» системасына 60 мөрәҗәгать кергән (5-12 февральдә - 13 мөрәҗәгать). Мөрәҗәгатьләр саны 47гә арткан.
Андрей Назаров карары буенча бүген Уфада чүп җыю урыннары буенча рейд үткәрелде. Районнарда шундый ук тикшерүләрне Премьер-министр барлык муниципалитетлар башлыкларына уздырырга кушты. Рейдка нәтиҗәләр киләсе дүшәмбедә киңәшмәдә ясалачак. Андрей Назаров билгеләп үткәнчә, мондый контроль чыгулар киләчәктә даими булачак.
Шул ук вакытта, бүген муниципалитет башлыклары үз районнарында әлеге проблемаларны тикшерде. Киләчәктә дә мондый чаралар оештырылуы көтелә.
Фото: pravitelstvorb.ru
