+21 °С
Болытлы
Көнүзәк
26 февраль 2021, 14:00
Республикага янә көчле давыл якынлаша
Гадәттән тыш хәлләр министрлыгы һава торышының кискен начараюы турында кисәтә.
Гадәттән тыш хәлләр министрлыгы һава торышының кискен начараюы турында кисәтә.
Гадәттән тыш хәлләр министрлыгының Башкортстан буенча Баш идарәсе республика халкын һава торышының кискен начараюы турында кисәтә.
Гадәттән тыш хәлләр министрлыгының Башкортстан буенча Баш идарәсе республика халкын һава торышының кискен начараюы турында кисәтә.
Ведомство мәгълүматлары буенча, иртәгә, 27 февральдә, көчле җилнең тизлеге секундына 17-22 метрга кадәр җитәчәк. Шулай ук урыны белән көчле буран, юлларда кар көртләре, бозлавык, 500 метрга кадәр күренеш начарлану күзәтеләчәк. Куркыныч метеорологик күренешләр фаразланмый.
Иртәгә болытлы һава торышы, төнлә аязаючан-болытлы. Төнлә бераз кар явачак. Иртән һәм көндез аерым районнарда көчле кар явуы көтелә. Һава температурасы төнлә -16-21 градус, көнчыгыш буенча -28 градуска кадәр суыта, көндез -4,-9, көнчыгыш буенча -14 градуска кадәр салкын.
Бофорт шкаласы буенча җилнең тизлеге секундына 17-20 метрга кадәр булса, бу "давыл" дип бәяләнә. Андый көчле җилдә агач ботаклары каерыла. Мондый һава торышы су транспорты төрләре өчен куркыныч. Җилнең тизлеге секундына 21-24 метрга кадәр булса, бу - “көчле давыл”. Мондый җилдә җиңел корылмалар, шулай ук түбәләр зыян күрә.
Һава торышы начараю сәбәпле, водительләр һәм җәяүлеләрдән юлларда сак, игътибарлы булу сорала. Автомобиль хуҗаларына тизлекне киметергә, кискен маневрларга бармаска, ә җәяүлеләргә агачлар, тотрыксыз конструкцияләр, электр баганалары, реклама щитлары янында игътибарлырак булырга, шулай ук юл хәрәкәте кагыйдәләрен үтәргә кирәк.
Фото:riavrn.ru
