+21 °С
Болытлы
Көнүзәк
15 март 2021, 18:30
"Алга" картасы күпләргә ярдәм иткән
15 мартка 1 миллионга якын шушы карта чыгарылган.
15 мартка 1 миллионга якын шушы карта чыгарылган.
Бүген Башкортстан Башлыгы Радий Хәбиров “Транспорт сәгате” форматында тематик онлайн-киңәшмә уздырды, анда “Алга” бердәм транспорт картасы проектын алга таба үстерү, шулай ук автомобиль юлларын төзү һәм ремонтлау буенча сезонлы эшләргә әзерләнү турында фикер алыштылар.
Башкортстан социаль карталар регистрының генеральный директоры Руслан Нургалиев хәбәр иткәнчә, 15 мартка республикада 1 миллионга якын «Алга» картасы чыгарылды. "Алга" бердәм транспорт картасының өлеше кулакчасыз исәпләшү буенча сәфәрләрнең гомум күләмендә 50 процент чамасы тәшкил итә. Шул ук вакытта проектны гамәлгә ашыра башлаганнан бирле - 2019 елның июленнән республика халкы "Бәхетле сәгать" вакытында 2,9 миллион бушлай сәфәр кылган. Шул рәвешле, пассажирлар юлларда 56 миллион сум акчасын янга калдырган.
Республика Башлыгының социаль коммуникацияләр буенча идарәсе башлыгы Елена Прочаковская сүзләренә караганда, пассажир ташучылар тарафыннан акчасыз түләү терминалларын куллануга шикаятьләр саны шактый кимегән, бүген алар аерым характерда. Төбәктә юл йөрү өчен кулакчасыз түләү системасына 72 пассажир ташучы кушылды, эшкәртү этабында тагын 27 гариза бар.
«Алга» картасы проектының тотрыклы динамикасын шулай ук мәгариф өлкәсендә «Мәктәп укучысы картасы» форматында да күрсәтә. Анда укучыларга мәгариф учреждениеләрендә булу һәм мәктәп ашханәләрендә һәм буфетларында туклану теркәлә.
2021 елның ремонт-төзелеш сезонын уздыруга юл тармагының әзерлеге турында республиканың транспорт һәм юл хуҗалыгы министры вазыйфаларын башкаручы Виктор Жульков сөйләде. Ул 2020 ел йомгаклары буенча Башкортстанда юл өслегенең 233 меңнән артык дефекты ремонтлануын әйтте. 2021 ел башыннан салкын асфальт-бетон катнашмалар кулланып, кирәкле ремонт алып барыла. Төбәктә тотрыклы плюс температуралары башлану белән, киң колачлы чокырларга ремонт ясала. Аерым алганда, 1 апрельдән "Башкортавтодор" 26 асфальт-бетон заводы эшли башларга әзер, алар юл эшләре өчен кайнар катнашма җитештерәчәк.
Фото: glavarb.ru
