Уфада халыкара экологик акция узды

Уфа "Төркия – Русия" халыкара экологик акциясендә катнашты.

Бүген Башкортстан башкаласында яшәүчеләр «Төркия – Русия» халыкара экологик акциясенә кушылды.

Акциянең оештыручылары - «Бөтенрусия инвалидлар җәмгыяте" Башкортстан төбәк бүлекчәсенең Уфа шәһәре бүлекчәсе, Башкортстанның Табигатьтән файдалану һәм экология министрлыгы, Башкорт дәүләт университеты.

70тән артык кеше, шул исәптән студентлар һәм волонтерлар, Уфа шәһәренең Киров районында Салават Юлаев һәйкәле һәм Конгресс-холл янындагы территорияне җыештыру буенча өмәдә катнашты. Анда Екатеринбург, Севастополь, Кинель-Черкасс, Төркиянең Әнкара, Анталья, Мерсин һәм Мармарис шәһәрләре вәкилләре дә бар иде.

Русиядә һәм Төркиядә экологик акция гибрид (офлайн + онлайн) форматында "Чикләрсез mix форматында" проекты кысаларында узды, анда бөтен дөньядан битараф булмаган кешеләр үзләренең экологик чараларыннан алган тәэсирләре белән уртаклашты.

«Бөтенрусия инвалидлар җәмгыяте»нең Уфа бүлеге рәисе Ришат Аллагуҗин туры трансляциядә чыгыш ясаганда экология мәсьәләләренең бүген күп кенә төбәкләрдә өстенлекле булып торуын билгеләп үтте. Башкортстан Республикасы да искәрмә түгел. Биредә экологик проектларны тормышка ашыруга зур игътибар бирелә.

- Ике сәгать эчендә без шәһәрне үзгәртергә, аны чистартырга һәм кешеләрнең игътибарын глобаль экологик проблемаларга җәлеп итәргә тырыштык, - дип уртаклашты Аллагуҗин.

Табигатьтән файдалану һәм экология министрлыгының җыелма-аналитик бүлеге начальнигы, «Яшел Башкортстан» проекты кураторы Ринат Фаткуллин билгеләп үткәнчә, бу акция - уртак тырышлык белән дөньяны чистарту һәм әйләнә-тирәне саклауга үз өлешеңне керту мөмкинлеге.

Министрлык вәкилләре акциядә катнашучыларга рәхмәт белдерде.

Фото: Башинформ