Сибайда агачлар шаулап үсәчәк!

“Яшел Башкортстан” экология акциясендә катнашучылар 82 төп чыршы утыртты.

4-25 апрельдә Сибайда күләмле спорт чарасы — бишенче Аструм Сибай ярыммарафоны уза. Бу — меңнән артык кешене җыйган беренче Bashrun сериясе йөгереше, катнашучылар арасында танылган спортчылар, сәясәтчеләр, артистлар, журналистлар, җәмәгать эшлеклеләре бар.
Йөгереш башланыр алдыннан спорт чарасы кунаклары “Яшел Башкортстан” экология акциясендә катнашты — Салават Юлаев скверында 82 төп чыршы утырттылар. Акциянең үзенчәлеге — геройларыбызга хөрмәт һәм рәхмәт йөзеннән, истәлекле даталар һәм вакыйгаларга багышлап агачлар утырту. Узган ел Сибайда "Яшел Башкортстан” кысаларында Фронт дуслары аллеясында миләш һәм алмагачлар, “Аманат” скверында чыршы һәм миләш утыртылды. Быел традиция дәвам итә: кичә яңа агачлар - Ветераннар скверында, ә бүген Салават Юлаев скверында барлыкка килде.
Акциядә катнашучылар арасына Хөкүмәт Премьер-министры Андрей Назаров, Башкортстан Башлыгы Хакимияте җитәкчесе Александр Сидякин, Премьер-министр урынбасары, сәламәтлек саклау министры Максим Забелин, яшьләр сәясәте һәм спорт министры Руслан Хәбибов, Дәүләт думасы депутаты Зариф Байгускаров булды.