+21 °С
Болытлы
Көнүзәк
14 Май 2021, 18:57
Йөрәкләр сәламәт булсын!
17 майдан 22 майга кадәр Башкортстанда Сәламәтлек саклау министрлыгы ярдәме белән Республика кардиология үзәге оештырган халык сәламәтлеге көннәре узачак.
17 майдан 22 майга кадәр Башкортстанда Сәламәтлек саклау министрлыгы ярдәме белән Республика кардиология үзәге оештырган халык сәламәтлеге көннәре узачак.
Бу көннәрдә белгечләр йөрәк-кан тамырлары авыруларын профилактикалау, туклану, яшәү рәвеше турында сөйләячәк, шулай ук кызыксындырган сорауларга җавап бирәчәкләр.
17 майда башкаланың «Динамо» стадионында йөрәк трансплантациясеннән соң табиблар һәм пациентларның һәвәскәр командалары арасында футбол матчы булачак. Командалар өчен 15.00 сәгатьтә җан атарга мөмкин булачак.
18 майда «STOP инсульт» дигән фәнни-белем бирү чарасы оештырылачак. Лекцияләрне А.И. Евдокимов исемендәге Мәскәү дәүләт медицина-стоматология университетының терапия кафедрасы профессоры Руслан Линчак һәм Н. И. Пирогов исемендәге Медицина-хирургия үзәгенең нейрохирургия курсы белән неврология кафедрасы мөдире Олег Виноградов укыячак. Барлык теләүчеләр спикерларны түбәндәге адрес буенча тыңлый ала: Уфа, Югары сәүдә мәйданы, 2. Башлана 16.00 сәгатьтә.
20 майда онлайн режимында "Йөрәк-кан тамырлары хәвефләрен киметү стратегиясе: пациентларның гомерен ничек саклап калу" дигән фәнни-гамәли конференция узачак. Докладларны Уфа, Самара һәм Мәскәүнең әйдәүче кардиологлары укыячак.
Бәйләнеш өчен сылтама:https://us02web.zoom.us/webinar/register/WN_sxjN8LTPRqWmcV4Wwb4TMQ Башлана 14.00 сәгатьтә.
21 майда кардиоүзәк берьюлы ике акция уздырачак.
12.00 сәгатьтә В. И. Ленин исемендәге паркта «Халык сәламәтлеге көннәре» бәйрәме булачак, бәйрәм кысаларында спорт секцияләренең һәм иҗади коллективларның чыгышлары оештырылачак. Моннан тыш, акция вакытында барлык теләүчеләр артериаль кан басымын үлчи һәм кардиолог белән киңәшләшә алачак.
Көннең икенче яртысында «Кардиодесант» оештырылачак, акция кысаларында кардиоүзәкнең баш табибы Ирина Николаева вертолетта Башкортстанның бер муниципаль берәмлегенә сәламәтлек әләмен тапшырачак.
22 майда эшләүче халык өчен кардиоүзәк сырхауханәсе үз ишекләрен ачачак. Ачык ишекләр көнендә, 8дән 14 сәгатькә кадәр, өлкән кардиологлар кабул итәчәк. Шулай ук тикшеренү кысаларында электрокардиограмма ясарга мөмкин булачак.
Фото: "Башинформ"
