+20 °С
Облачно
Көнүзәк
16 Июня 2021, 12:20
Андрей Назаров эш сәфәре белән Иглин районында булды
Башкортстан Хөкүмәтенең Иглин районында күчмә утырышын уздыру кысаларында республика Премьер-министры Андрей Назаров юл буе сервисы объектларында булды һәм чистарту корылмаларын модернизацияләү проекты белән танышты.
Башкортстан Хөкүмәтенең Иглин районында күчмә утырышын уздыру кысаларында республика Премьер-министры Андрей Назаров юл буе сервисы объектларында булды һәм чистарту корылмаларын модернизацияләү проекты белән танышты.
Алаторка авылы янындагы М5 "Урал" трассасында урнашкан юл буе кафесында Андрей Назаров килүчеләргә тәкъдим ителгән ризыкның сыйфатына бәя бирде. Премьер-министр самсаны тәмләп карады һәм кофе эчте. Шунда ук аңа муниципалитетның юл буе сервисы эше буенча агымдагы хәлне тәкъдим иттеләр.
Гомумән алганда, Андрей Назаров Иглин районында әлеге эшчәнлек юнәлешенең динамик үсешен билгеләп үтте.
- Юл буе сервисы биредә яхшы үсә, шул исәптән, янәшәдә федераль трасса уза. Күп кенә эшкуарлар моннан файдаланалар - туклану, кунакханә нокталары ясаганнар. Бу алар өчен дә файдалы, чөнки яхшы йөкләнеш, үтеп баручы кешеләр өчен дә биредә сыйфатлы азык әзерлиләр, - дип ассызыклады республика Премьер-министры.
Икенче объект Иглино авылындагы күп катлы торак йортлар өчен чистарту корылмалары булды, анда Андрей Назаров объектны модернизацияләү проекты белән танышты.
Район хакимиятендә аңлатуларынча, чистарту корылмаларын төзекләндерү агып төшүче суларның сыйфатын норматив таләпләргә кадәр күтәрү өчен үткәрелә. Хәзерге вакытта район үзәгендә агып төшүче суларны чыгару һәм төзелгән чистарту корылмаларының тулысынча йөкләнешен тәэмин итү өчен канализация челтәрләре юк.
Фото: pravitelstvorb.ru
