+21 °С
Болытлы
Көнүзәк
18 июнь 2021, 09:23
"Һәркемнең авырмаска хокукы бар"
Үзебез өчен генә түгел, якыннарыбызны зарарламас өчен прививка ясатыйк!
Дәүләт җыелышы-Корылтай Рәисе урынбасары Рөстәм Ишмөхәммәтов республика халкын өченче дулкын коронавирус фонында киңкүләм вакциналауга чакырды. Аның фикеренчә, прививкалардан баш тарту һәркемгә кире йогынты ясаячак.
"Әгәр дә прививка ясатмасак, кемдер үләчәк, кемдер сәламәтлеген какшатачак. Хәтта авырмаучыларга да йогынты ясаячак, чөнки хезмәткә сәләтле халыкның бер өлешен югалту белән тирән икътисади һәм социаль кризис булачак. Ул бу вирустан куркынычрак проблемалар алып киләчәк. Ул вакытта беркемгә дә яхшы булмаячак ", - дип язган парламентарий социаль челтәрләрдә.
"Әгәр дә прививка ясатмасак, кемдер үләчәк, кемдер сәламәтлеген какшатачак. Хәтта авырмаучыларга да йогынты ясаячак, чөнки хезмәткә сәләтле халыкның бер өлешен югалту белән тирән икътисади һәм социаль кризис булачак. Ул бу вирустан куркынычрак проблемалар алып киләчәк. Ул вакытта беркемгә дә яхшы булмаячак ", - дип язган парламентарий социаль челтәрләрдә.
Рөстәм Ишмөхәммәтов ассызыклаганча, прививка - ирекле эш, әмма шул ук вакытта, әгәр кемнеңдер прививка ясамаска хокукы бар икән, башкаларның авыруны йоктырмаска хокукы бар.
"Бәлки, сез үзегездә авыру симптомнарын күрмисездер, әмма шул ук вакытта аны йөртүче булырга мөмкинсез. Вируска каршы тора алмаган кешеләрне дә зарарлыйсыз, үтерәсез. Битлек режимы, кызганычка каршы, үтәлми диярлек. Өстәвенә, битлекне беренче чиратта йоктырудан курыккан кешеләр түгел, ә башкаларга йоктыру ихтималы булган кешеләр киеп йөрергә тиеш. Ә алар, кагыйдә буларак, киеп тә йөрмиләр. Кибетләрдә, җәмәгать транспортында барысы да битлексез диярлек", - ди парламент вице-спикеры.
Фото: infosmi.net
