Барлык яңалыклар
Көнүзәк
30 июль , 09:45

Мәләвезнең тарихи үзәген төзекләндерү августта тәмамлана

Мәләвезне ревитализацияләү буенча подрядчы "Березовый тракт" проекты кысаларында августта төзекләндерү эшләрен тәмамларга тиеш.

Мәләвезнең тарихи үзәген төзекләндерү августта тәмамлана
Исегезгә төшерәбез, шәһәр 2020 елда кече шәһәрләр һәм тарихи җирлекләр бөтенрусия конкурсында җиңүче булды һәм җәмәгать урыннарын реконструкцияләүгә һәм Мәләвезнең тарихи үзәген җанландыруга федераль грант алды.

Хәзерге вакытта проектның үзәк өлешендә яңа брусчатка салына, клумба урнаштырыла, агачлар утыртылган, тулы көченә амфитеатр төзелә. Мәләвез елгасы яр буйларына җәяүлеләр өчен сукмаклар һәм елгага уңайлы төшү юллары урнаштырылган.

Мәләвез районы хакимияте башлыгы Рөстәм Шәмсетдинов һәм 7нче чакырылыш Дәүләт думасы депутаты Зариф Байгускаров агымдагы төзелеш эшләрен карады.

"Әлбәттә, шәһәрнең бөтен өлешләрен берьюлы төзекләндерәсе килә, без әкренләп Мәләвезне үзгәртәбез. Аны матуррак һәм уңайлырак итәргә тырышабыз», - диде район башлыгы.

“Мәләвез минем өчен үзенчәлекле шәһәр, балачакта монда мин еш була идем. Ышанам, шәһәр конкурста игълан ителгән идеяне - шәһәрнең сәүдә һәм һөнәрчелек буларак үзенчәлеген тергезүне гамәлгә ашырачак, - дип билгеләде Зариф Байгускаров. - Проектлау территориясе Ырынбурдан Уфага барганда урында урнашкан һәм иҗтимагый киңлекләрнең берничә төрен үз эченә алачак: мәйдан, бульвар, сквер, яр буендагы парк зонасын. Без зур түземсезлек белән яңа үзгәрешләр көтәбез”.

"Березовый тракт" дип исемләнгән киңлекләр системасын Башкортстан шәһәрләре үсеше институты, Мәләвез районы хакимияте һәм шәһәр халкы эшләде. Төзекләндерү участогының гомум мәйданы - 5,3 гектар. Патша заманнарында биредә Екатерина трактында сәүдә үзәгендә тукталыш булган.

Проект турында тулырак танышырга мөмкин: https://irgrb.ru/meleuz

Фото: Мәләвез районы хакимияте

 

Автор:Фануз Хабибуллин